Nōngtøm pè vmvng we kàshvbóng

Nōngtøm pè vmvng we kàshvbóng A:ngí rá yadø a:lòe. “Vsvng tiq gǿ nø angcè vní pè vdáe. Nōngtøm pèí angpè svng, ‘Vpèá, nà zaqshøp rì ngà vpvt vdū dv́ngte nø ngà svng nawálāngā,’ a:lòe. Wervt angpèí angnínv̄m svng zaqshøp vwálāòe. Wemèpvng kadv́ng ni màlé dvgvp nōngtøm pè nø ang vdá dv́ngte dvcøpshì dá:ngí vrúm móng svng dìá:mì nø, weyv́ngø svng mvchá wáshì weí ang zaqshøp rì vwāwā dø dvsǿm bǿà. Angò rì shvngbe dvbévm bǿà mèpvng, wemóng taq dvkø wàngrø̀m vtit ráì nø, a:ngí nø dvshàlv́m vhǿmòe. Wekvt ang dìá:mì nø, wemóng bashà tiq gǿ yv́ng v̀lá:mì. Wepèí nø ang rvmá hv́ng rì taq ang svng waq rim dvzá:ròe. Waqrìí á:mò we vnōse rì v́m mvyǿ høq svrí shì nìgø, ang svng kagǿí gø màshvá:mò. Iwe ang dvdv̄m vshat lú:ngì kvt, ‘Vpè lv̀ngzv̄ng wedv́ngte luq rì nø, v́m mvtǿmshi høq v́m lú:nò ke, ngà nø yayv́ngø svríshø̀ng weí shìlv́m dv́n shø̀nge. Ngà búng nø vpè yv́ng svng longv̄m nø ang svng, “Vpèá, muqlàng svng gø, nà svng gø, ngàí vléng bǿngà. Akvt kèní kukaq nvcè gø v̄l màpǿngv́mà; nà lv̀ngzv̄ng tiq gǿ dø ègv̀là,” wvng nø v̀llv́m íe,’ wae. Wervt ang búngá:mì nø angpè yv́ng svng loá:mì. Angpèí nø ang lò ráì we vrúm yv́ng kèní yv̀ng bǿà chàng ang svng mvré lú:ngà nø, vjèrá:mì weí ang lóngjvng yv́ng mvguqshì nø ang svng vbùòe. Wekvt angcè pèí angpè svng, ‘Vpèá, muqlàng svng gø, nà svng gø, ngàí vléng bǿngà; akvt kèní kukaq nvcè gø v̄l màpǿngv́mà,’ a:lòe. Iwe angpèí ang vshuqrì svng, ‘Bvbò, bóy bèlaq yvnggúng vpǿ vtv̄ng dùng èlùvtnøng nø ang svng dègwāvtnøng. Ang wūr taq gø wūr dvchø:pmí dèchøpnøng nø, ang hí taq gø hí shvnām dèdønnøng. Vrá, nùngwàcè shù go gø èshv̀lvtnø̀ng nø èshvtnøng. Wekvt v́m aqì nø dvbùi. Pàwálv́m wani ngàcè yapè nø shìá:mì we zun lú:ngì; vmv́ngá:mì we, vrá yv̀ng bǿshà,’ a:lòe. Wervt nø angmaqí dvbù bóy wàòe. We rvtø̀ taq vlat pè nø rvmá hv́ngø v̄l we, lò ráì nø chø̀m shvnvng tuq ráì dvgvp, vcìng kà nvng vzǿlv̀m we shaq tá bǿà nìnø, a:ngí vshuq tiq gǿ goò nø, ‘Kapà bø̀ná:mì,’ wa rø:tnòe. Vshuq pèí ang svng, ‘Nvnvm pè vtv́ng ráì. Ang pà màrá tuq ráì rvtnø nvpèí nungwàcè shù go gø sWe rvtø̀ taq vlat pè nø rvmá hv́ngø v̄l we, lò We rvtø̀ taq vlat pè nø rvmá hv́ngø v̄l we, lò ráì nø chø̀m shvnvng tuq ráì dvgvp, vcìng kà nvng vzǿlv̀m we shaq tá bǿà nìnø, a:ngí vshuq tiq gǿ goò nø, ‘Kapà bø̀ná:mì,’ wa rø:tnòe. Vshuq pèí ang svng, ‘Nvnvm pè vtv́ng ráì. Ang pà màrá tuq ráì rvtnø nvpèí nungwàcè shù go gø sWe rvtø̀ taq vlat pè nøráì nø chø̀m shvnvng tuq ráì dvgvp, vcìng kà nvng vzǿlv̀m we shaq tá bǿà nìnø, a:ngí vshuq tiq gǿ goò nø, ‘Kapà bø̀ná:mì,’ wa rø:tnòe. Vshuq pèí ang svng, ‘Nvnvm pè vtv́ng ráì. Ang pà màrá tuq ráì rvtnø nvpèí nungwàcè shvt bǿà,’ a:lòe. Weyv́ng kèní vlat pè shv̀mná rí nø, chø̀m vdòng svng gø góng mvtá rvt angpè búng daqì nø ang svng li:nòe. Iwe a:ngí angpè svng, ‘Eyà:ngò, yadv́ng nǿng ngàí nà svng dvzøm nø, nà dvkv́mkà tiq kà svng gø kadvgvp gø màléngò. Wedø ínìgø, ngà rv̀mnvng rì nvng dvbùlv́m dvpvt, dv̀ngchè tiq gocè gø nàí ngà svng mèzǿngà. Inìgø nà zaqshøp rì nø góngnv̄m mèlā taq dvbé bǿà we nvcè yapè vtv́ng ráì nìnø, nàí ang dvpvt rá nungwàcè shù go gø èshvtnāòe,’ a:lòe. Angpèí ang svng a:lò we nø, ‘Vcèá, nà nø kadvgvp gø ngà nvng tiqdø v̀lshìe; ngàò v̄l dv́ngte gø nàò wā èíāe. Iwe nvnvm yapè nø shìá:mì we zūn lú:ngì; vmv́ngá:mì we, vrá yv̀ng bǿshà rvtnø, nøngmaq shaqshaq wa dvbùì lòng nø vdu we íe,’ a:lòe.