Narni taq juq dvgoq mè dvbā:nò we

Narni taq juq dvgoq mè dvbā:nò we
10 Narni taq Yesuí nø júrøt chø̀m tiq chø̀m taq shvngø:tnòe. 11 Weyv́ngø cá:ngí tiqcé shvt nǿng dvkiò nø, juq angmvtip dvgoq nø tiq hvncè gø mvzv̄nshi màshvla we svmaré tiq mè v̄le.

12 Yesuí yv̀ng bǿà nìnø, ang svng goa:tnà nø, “Svmaré mèá, nà èzā lòng kèní shvlàng bǿngà,” a:lò nø, 13 ang mvdv̀mø Ang wur hapshì bǿì nìnø, wela:ngí chàng ang juq mvdóng lú:ngì nø, Gvray dvgùng shvri:ngòe.

f 14 Yesuí Narni taq zā vsvng dvbā:nò rvtnø, júrøt chø̀m øpshú pè shv̀mná rí lú:ngì nø, vsvng loksokrì svng, “Bv̀nlì wàlv́m nø vchuq ni v̄le; wedv́ng ni taq mv̀ng dvbān lúnlv́m èdi ránø̀ng; Narni taq nø mvdaq,” a:lòe.

g 15 Wekvt Vkàngpèí ang svng vtà:ngò nø, “Nøt vní nøt ècv̀nnøng rié, namaq kagǿ gø Narni taq nungwà rì lòzè rì svng kok kèní èpǿnnøng nø, tì shvaqlv́m yv́ng svng èshv̀lnø̀ng we mø̀í ma?

h 16 Sataní tiqcé shvt nǿng dù:ngò we Abraham pvlí pvlaq svmaré yamè svng gø, Narni taq ínìgø, ang svng dù:ngò we mvngbǿng yahǿng kèní shvlángā vdu we mø̀í ma?” a:lòe.

i 17 A:ngí yadø v̄l bǿà nìnø, Yesu svng vgámò nø vtùò rì shvngbe shvraqshi lú:ngì. Vsvng loksokrì shvngbe mv̀ng nø A:ngí wàò we vtiq lv́m bv̀nlì rì rvtnø dvbùe.

Add new comment

2 + 2 =