Nazaret svng Yesu vtv́ng ráì we

Nazaret svng Yesu vtv́ng ráì we

 Yesuí kàshvbóng yarì shǿn dá:ngí,   wervgaq kèní búngá:mì.   Ang v̀l yàng mvrìng rvgaq svng tuqá:mì nìnø angmaq júrøt chø̀m taq,  

angmaq dá høq shvngøt pà:ngòe.   Angmaqí nø,   “Yapè nø yadø í we zitnøt rálnøt nvng dvdv̄m vtiqlv́m bv̀nlì wàlv́m jórnònggùn nø

kayv́ng kèní lú:nòe ma? 

 Yapè nø shǿngkø̀m rvmú lànglì pè angcè lvíni!   Angmè nø Mari tǿshì mè í we mø̀í?   Angnv̄m pèla gø Yaku,   Yosep,   Simon nvng

Yuda maq í we mø̀í?   Angnv̄m mèlā gø shvngbe nøngmaq nvng tiqdø à:lì we mø̀í ma?   Ini,   yapèí yadv́ng pv̀n nø kayv́ng kèní

lú:nòe?”   wa nø,   Ang svng tì mvlá:nò nø nøt vtøpmá:mì.  

Iwe Yesuí angmaq svng yadø a:lòe.   “Kàdvtutshú tiq gǿ svng nø kayv́ng gø vpǿò we,   vdè mvrìng nvng vdè ra:pmí wā màpǿò,”  

a:lòe.   Angmaq mvkv́m we nøt v̄l rvtnø,   A:ngí wervgaqø jórnònggùn bv̀nlì kadv́ngte mvwàò.