Nemàn pè svng dvba:nò we

Nemàn pè svng dvba:nò we

 35 Yesu nø Yeriko mvrìng svng tuq ráì dvgvp, nēmàn tiq pè nø tvrà shvmōr yv́ng rūng nø røtnv̄me. o 36 Vsvng loksok tiq mvdò vlē mv̄nshì we svng a:ngí tá bǿà nìnø, kapà bø̀ná:mì we svng a:ngí rø:tnòe. 37 Angmaqí ang svng, Nazaret pè Yesu vlē we dvtáòe. 38 Wekvt ang vkiq lú:ngì nø, “Dawi pvlí pvlaq pè Yesué, ngà svng dvshá èzāngàé,” wae. 39 Vzv̀ngzv̀ng di rìí nø, ang dø màwá lv̄vl dø ang svng ngā:nò we, ang nø dvshàshà tété vkiq sórí, “Dawi pvlí pvlaq pèé, ngà svng dvshá èzāngà é,” wae. 40 Wekvt Yesu tø̄nwa rip dá:ngí, wepè Ang yv́ng lvshøla:tnò dø dvká:mòe. Tvp tuq ráì dvgvp Yesuí ang svng rø:tnò nø, 41 “Nà svng Ngàí pà wv́ngāngnøng?” a:lòe. A:ngí, “Kàngpèá, ngà vne yvngshi mvyǿnge,” a:lòe. 42 Wekvt Yesuí ang svng, “Nàí leq yv̀ng lú:ngò; nà kv́mnø:tní nà svng dèzǿm bǿì,”* a:lòe. p 43 Wela:ngí chàng wepèí wà vtān yv̀ng bǿà nø, Gvray dvgùng shvri:ngò sórí Ang mèpvng cv̀n bǿà. Yalòng svng yv̀ng bǿà rì shvngbeí gø Gvray kaq shvrī:ngòe.