Ngàí nø Ang svng shángòe. Ngàí Ang svng mvshángò ladv́ng wvng nǿng nø, Ngà gø namaq døni vyá pè ǿngà we íe

Ngàí kàdøng v̄la:tnìni, Ngà kà cv́n dø̄ng we kagǿ í gø shìlòng nø dvciq lvpat mvyv̀ng lú:ngò,” a:lòe. Yakà kèní Yuda vsvng rìí Ang svng, “Nà cáng èzv́ngshì we nø akvtni shá bǿshà. Abraham gø, kàdvtutshúri gø shì yà:ngì. Nàí nø, ‘Ngà kà cv́n dø̄ng we kagǿ í gø, shìlòng nø dvciq lvpat mvtin lú:ngò,’ èwae.  Nà nø shi yà:ngì we nøngmaq vkop Abraham mvdv̀m té èrīng ma? Ang gø shi yà:ngì; kàdvtutshúri gø shì yà:ngì. Nà nø Nà pà ǿnge èlv́nshìe ma?” a:lòe.  Yesuí vtà:ngò nø, “Ngà nø Ngà vdè dvgùng shvringshø̀ng nøngnø, Ngà dvgùng nø pàgø mø̀í. Iwe namaqí, ‘Ang nø nøngmaq Gvray èíaìe,’ èwànø̀ng pè mv̀ng nø Ngà ngø̀r dvgùng shèringang pè Ngà Vpè ni íe.Namaqí nø Ang svng mèshánø̀ng; Ngàí nø Ang svng shángòe. Ngàí Ang svng mvshángò ladv́ng wvng nǿng nø, Ngà gø namaq døni vyá pè ǿngà we íe. Inìgø Ang svng Ngàí shá jǿng shángò nø, Ang kà svng gø vpǿngò we íe.

Namaq nvkop Abraham nø, Ngà angni svng yv́ng lúnlv́m dvpvt mvyǿ yà:ngì. A:ngí yv́ng lún bǿà nø nøt shø̀m yà:ngì,” a:lòe.Wekvt Yuda vsvng rìí Ang svng, “Nà nø pùngwàcé nǿng gø shini mèhøqò we, Abraham svng Nàí èyv̀ng yà:ngà a?” a:lòe.Yesuí angmaq svng, “Ngàí kàdøng v̄la:tnìni, Abraham shini màvl dvgvp kèní ni Ngà nø àv́lshaq ǿngàe,” a:lòe. Wekvt angmaqí Ang svng wvplv́m lóng tǿòe. Wedø ínìgø Yesu nø máshì nø Noqngø̀m Tø̀ngnø kèní léshìá:mì.

Add new comment

9 + 10 =