Rvtø̀ dak shá rà we kàshvbóng

Rvtø̀ dak shá rà we kàshvbóng

 Farisirì nvng Sadukirì dì lú:ngì nø, Yesu svng vlø:tnò we nø:tní, muqlàng kèní shálv́m mvshv́lpvrá tiq lòng
lā shvyvng daq dø Ang svng røtshie. 

  Iwe A:ngí angmaq svng a:lò we nø, “Dørø̀m kaqí namaq nø, ‘Muqrø̄ chingá:mì we í nø, nvpni nø nv̀mgv̄m
longe,’ èwànø̀nge. Vsháng kaqí nø, ‘Muqlàng mvshè sórí rvmøt naq nìnø, dèni nø shø zaq daqe,’
èwànø̀nge. Muqlàng mv̀rshv̀m vlíng we svng nø dak rvwv̄n èshánøng we, rvtø̀ mvshv́lpvrá rì svng nø
namaqí mvshv́l mèshánøng ma? 

  Mvgv̄m nø dvchap we yamvril cèrìí nø, shálv́m mvshv́lpvrá wa láòe. Iwe Yona mvshv́lpvrá wa mø̀í nìnø,
dvgá shálv́m mvshv́lpvrá tiq lòng gø angmaq svng mvzílv́m íe,” a:lò dá:ngí Yesu nø angmaq kèní rv́lsh
ì nø dìá:mì.

Coqcv́nrì nø tìnúng kupa rvpshiá:mì. Iwe angmaq nø zidòng rív́m vná dárà. Yesuí angmaq svng,
“Farisirì nvng Sadukirì butdvshi svng pán vshat nàyáshìnøng,” a:lòe. 

  Coqcv́nrì angmaq nø angmaq vrùng nø, “Nøngmaqí zidòng màlv́ng vná dv́rsha rvt wa pà íe,”
wae.  Welòng svng Yesuí dǿ:mò nø, “Kv́mnøt ècv̀mnøng rìé, zidòng mèv́lānøng rvtnø pàwálv́m
namaq nø namaq nàrùngnønge ma?