Sataní Yesu dvlø:tnò we

Sataní Yesu dvlø:tnò we

Wekvt Sataní dvløt we vhǿmlv́m dvpvt, Yesu nø Shànshér Pvlàcèí rvgaq mvgūng móng svng shø̄l bǿà. Ang nø v́mpà màv́mv́m vnatshi we vbìcé nī vbìcé yaq vlé ráì mèpvng, svríshi lú:ngì.  Wekvt dvløtshú pè Ang yv́ng dì ráì nø, “Nà nø Gvray Angcè pè èí kvt kèní nø, lóng yarì svng zidòng lví lōng dø dèká:mò,” a:lòe.  Inìgø Yesuí vtà:ngò nø,e “‘Vsvng nø zidòng kèní wā cúnshì we mø̀í, Gvray nònggøp kèní būng we Mòngkà, kà vrv̀m kèní mv̀ng cúnshì lún we íe,’ wā nø̀ vrūshaq íe,” a:lòe. Wekvt rá Sataní Ang svng shànshér wamà vdòng svng shø̄l bǿà nø, shànshér tø̀ngnø zòngmuq yv́ng shvri:pmò dá:ngí,  “Nà nø Gvray Angcè pè èí kvt kèní nø, pv̄ngkaq dègupshi. Pàwálv́m wani,g ‘Vkàngpèí Ang dvzv́rrì svng nà dvpvt dvká:mò nø̀, Nà hí nø lóng taq lēmènàtøpmv̄m dø, angmaq wū:rí nà svng nàbūn daqe,’ wa nø vrūshaq íe,” a:lòe.

 Yesuí ang svng, “Iwe, ‘Nvkàng pè Gvray kaq nàí dvløt mvdaq,’ wā nø gø̄ vrūshaq íe.” a:lòe.  Wemèpvng rá, Sataní Ang svng vtv̄ngkèní vháng we shìgùng svng shø̄l bǿà dá:ngí, móng dø̄ngtáng móngdànri í dv́ngte nvng werìò ngø̀r dvgùng Ang svng shvyā:ngò sórí,“Nà køt èngǿmshì nø ngà svng ènokngà kvt kèní, yarì shv̄ngbe nø ngàí Nà svng zílv́m íe,” a:lòe.Wekvt Yesuí ang svng, “Satan nà, èlo! Kadø íe wānī, ‘Nàí nø nà Nvkàngpè Gvray kaq ènoqò nø̀, Ang svng wā dvzø̄m ràe,’ wā nø lè vrūshaq íe,” a:lòe. Wekvt Satan nø Ang yv́ng kèní rv́lshìá:mì nø, kū, muqlàng dvzv́rrì dì daqì weí Yesu svng dvzø̄:mòe.