Shì rì zūn lōng we

Shì rì zūn lōng we
 Vnvm vchvng rìé, vlǿmrà màdárì nøt dvshà dø namaq nøt màdvshàlv́m rvt, shìvm vsvngrì dang namaq svng shá dvzv́r mvyǿìe.  Kadø íe wani, Yesu shì nø vrá zun lú:ngì we svng nøngmaq ká:mì rvtnø, welòng dø Yesu vdòng taq shìvmrì svng gø, Gvrayí Yesu døni dvzun daqòe. Nøngmaqí Kàngpè shvngøtkà tiq kà dvtáa:tnìni. Vkàngpè vtv́ng daq høq cúnshàìrì nø, kadø ínìgø shìrì angmaq vzv̀ng kaq nø mø̀íá:mì.  Kadø íe wani Kàngpè mvrin kàí dvká:mò nø, muqlàng dvzv́r vgo pè mvrinkà nvng Gvray dòdi mø:tnò sórí Vkàngpè nø muqlàng kèní lashì daqe. Wekvt Kristu vdòng taq shì yà:ngìrì vzv̀ng zūn longe.  Wedvgvp shini cúnshàì rì nøngmaq nø angmaq nvng tiqdø vháng ram Vkàngpè nvng vhø̄mlv́m rvt rvmøt taq tv̀m nàbun bǿìe. Wekvt nøngmaq nø dvciqciq Vkàngpè nvng tiqdø v̀l lú:ngìe.  Wervtnø̀ namaq tiq gǿ nø tiq gǿ, kà yarìí nøt shèlø̀mkénøng.