Shiyat Bóy svng Yesu di we

  Yadv́ng pv̀n mèpvng Yesu nø Galili móng taq tvríshìá:mì. Yuda vsvng rìí Ang svng shvtlv́m wàò rvtnø, Ang nø Yuda móng dí mvneshi. a

Wedvgvp nø Yuda vsvng rì Shiyat Bóy tuq yùl ráì. bIwe angnv̄m rì bóy svng dìá:mì mèpvng, Ang gø mvyø̀n cèí ngāngá:mì.

Ang nø Meshia í ma! Wekvt Yerusalem rì tiqmaq nø, “Angmaqí shvtlv́m wàò pè nø, yapè ni mø̀í ma?

Iwe èyv̀ngnø̀ng, Ang nø dèdè chaqdvp yv́ngø kà shø̀n nìgø, Ang svng angmaqí pàgø mva:lò. Yapè nø Kristu ni í we svng, dù rìí jø̀ngjǿng dǿ:mò we dv́ng mø̀í?

     Inìgø yapè kayv́ng kèní í we nø nøngmaqí sháìe; Kristu di daq kvt nø, Ang kayv́ng kèní í we kagǿí gø mvshá lú:ngò,” wae.Yesuí nø Noqngø̀m Tø̀ngnø taq vkiq sórí mvshǿl shø̀:nò nø, “Ngà kagǿ ǿngà we nvng Ngà kayv́ng kèní ǿngà we svng namaqí jø̀ngjǿng èsháshà ma? Ngà nø Ngà nø:tní dø̀ng dakngà we mø̀í. Ngà svng dèzv́r dakngà pè nø dìng Pè í we namaqí Ang kaq mèshánøng. Ngà nø Ang yv́ng kèní dø̀ng dakngà rvtnø, Ngàí Ang svng shángòe; vrá A:ngí ni Ngà svng dèzv́r dakngà,” a:lòe. Wekvt angmaqí Ang svng tvplv́m wàòe. Wedø ínìgø Ang rvtø̀ shini mvhøqò rvtnø, kagǿ gø Ang svng wur zúshi màshvla.