St . Peter Damien

St . Peter Damien
St. Peter Damien nø Austia myuqò svrado tiqgø íyà:ngì nø kámnøt shvre tiqgø gø íyàngì. Àng svng AD 1007 nøng Italy móngdàn Revena myuq taq shøq yà:ngà.
Àng cvm lvpat taq kèní àngpè ní àngmè shì yà:ngì nø àngnvm pèla rì yvngkèní àngsvng gvzà dvki nø waq rim dvzvŕ:ò we tiqshvra taq vl vdu yà:ngì.
Wedø vlwe rvtø àngnvm tiqgø ínø St. Peter Damien svng mvréza nø:tí lèga paqzí cvnshì lúnlvm svng dvgøā yà:ngà. St. Peter Damien nø paqzí zùng taq gvzà mvdaq we tiqgø íyà:ngì nø àng professor bøn ráì we rvtø rì taqgø gvzàni vlømvm vrvm we tiqgø íyà:ngì.
Wewa mvtaq àngnø dvshà vsvngrì kaq tubùm dvbangā we dvsháza shóngnøt í zøng we tiqgø gø íyàngì. Àngnø dvshá mvhoq vsvngrì kaq shv-vm shv-aq we bvnlì rì taq gø gvzà dvzaqshì yà:ngì we íe.
We rvtø taq kèní St. Peter Damien nø Fonte Avellana wamà taq vlwe Benedict shvrúng shú zùng svng gòng yà:ngì nø we shvrà taqni shølshú vgo bvnlì taqgø dvzaqshì yà:ngì we íe.
Àng taqkèní shvla we tvrà rì svng wa shvngøt dvtú nø dvsháza shóngnøt nvng cipshì lvm tvràrì dvtanā we tvrà shølshû tiqgø gø íyàngì.
AD 1057 nø tuqráì kvt Svrabín koqkámpè Steven IX gø wagø í dvtú we dø tiqdvchá St. Peter Damien nø Austia nvng Veletri myuqò Cardinal tiqgø bvnlì svng vto shì yà:ngì.
Nøngrì mvme vlé ráì kvt Svrabín koqkámpè Alexander II gø bat taqnø bvnlì kèní nvrshì lvm shúnshì ráì we rat vkáng zí yà:ngì.
St. Peter Damien nø shvngømré vdòng taq mvyøn gømpaq vmwe rì svng zaq zaq vgám we tiqgø gø íyàngì. St. Peter nø shvrúng shú rì wángzà móng rì svng zaqlè diwe dang svng gø vgám yà:ngà nø àngmaq nø tiq shvrà taqwa shøm wacè vlnø dvrá shvdøk shìrà we dang dvtú yà:ngà. St. Peter Damien nø vsvngrì nvng vdu vbóng dø vlwe tiqgø gø íe.
Àngí vru yà:ngà we kàru tiqlòng taq shóngshøng we vnvmchvngrì nàmaqí vkvt nàhøm nøngwe dvshà mvhøt lòngnø vshuq tiqgø ò dvshà mvhøt we dángte mø:í, àngpè àngmè maqí shvngøt vjønwe cvmré tiqgø ò lvpat døwa ni íe. Gvray í vsvngrì kaq ya lvpat taq dàmzie walòng nø mèpvng lvpat dvpat tvrà tóngā we íe wanø vru yàngà. St. Peter Damien nø AD 1072 nøng taq lvpat béyàngì nø AD 1828 nøng taq shvngømré ò kámnøt shvre tiqgø wanø mvsat yà:ngà.