Te we cv̀m we vzø̀ng we

Te we cv̀m we vzø̀ng we

 Coqcv́nrì nø angmaq dvhø̀ taq kagǿ té ring long we dang vzø̀ng lú:ngì.  Yesuí angmaq nøt vdòngø dvda:mò rì svng dǿ:mò rvt, cv̀mrécè tiq gǿ shøla:tnà nø, Ang shvnvngø shvri:pmò dá:ngí angmaq svng,

“Ngà bø̀ng kèní cv̀mrécè yagǿ svng vtoò we kagǿ ínìgø, wegǿí nø Ngà svng nàtòng we íe. Ngà svng nàtōng we kagǿ ínìgø, Ngà svng dèzv́r dakngà Pè svng vtōò we ni íe. Kadø íe wani namaq dvhø̀ taq cv́m vtv̄ng gǿ nø, té ring gǿ lè íe,” a:lòe.

Yohaní vtà:ngò nø, “Vkàngpèá, Nà bø̀ng kèní cáng lù:ngò we tiq gǿ nøngmaqí vhǿm bǿshà we, ang nø nøngmaq mèpvng mvcv̀n rā rvtnø, nøngmaqí ang svng vgám bǿshà,” a:lòe.

 Iwe Yesuí, “Ang svng mènàgámnøngni. Pàwálv́m wani ang nø namaq svng vtù vsvng mø̀í nìnø namaq kaq wáshì vsvng íe,” a:lòe.