Tiqcé vní pè dvzá:rò we

Matthew 10:7-15  Tiqcé vní pè dvzá:rò we

 Wedø èdìnøng sórí, ‘Muqlàng móngdàn níshì ráì,’ wa dèshv̄ng bǿnøng. d8 Zarì dèbānnø̀ng; shìrì svng dèzūnnøng; mv̄nggvng í rì dèshèrnøng; cángrì èlùngnøng. Dvpǿ màdá èlún bǿshà rvt dvpǿ màdá èzínøng. e9 Namaq yǿngkoq taq shé gø, gv̀msùng gø, kàmø beshan gø mèrínøngni.10 Zaqlèwàng dvpvt tòngzv̀n gø mèrínøngni; bèlaq gø vní dùng mèlvngshinøngni; híshvnam gø, dvrv̀ng gø mèlv́ngnøngni; pàwálv́m wani bv̀nlì wa gǿ nø, shàv́m rā we lún vpǿe. f

Namaq nø mvrìng nvng rvwá taq ègòngv́mnø̀ng dvgvp, weyv́ng nøt tǿng shaqré karvp í we èrøtnø̀ng nø, we mvrìng kèní mèbúngnøng dv́ngte wechø̀mø̄ v́l dv̀ng èwànø̀ng.12 Wechø̀m svng ègòngv́mnø̀ng dvgvp, wervp svng mòngzø̀l lòng leqlúnnøng, wa shèmánanøng. g13 Wervp lún vpǿ we í nìnø, namaqí dègǿngānøng we mòngzø̀l lòng nø wervp svng laq tuq daq; lún màpǿ we í nìnø, namaqí shèmánanøng we mòngzø̀l lòng nø namaq svng laq vtv́ng rā.

Namaq svng mènàtōvtnøng nø, namaq kàrì svng gø mètáānøng we kagǿ vl nìnø, wechø̀m mø̀íni wemvrìng kèní èbúng daqnø̀ng kvt, namaq hí taq vyīn we dvtø̀l nàchaqshi ránøng. h 15 Ngàí v̄la:tnìni, kàngé daq we angni taq wemvrìng mvhøt long lòng nø, Sodom nvng Gomora mvrìng níí vhǿ:mò lòng mvdv̀m té rvnaq longe. i

Vpø íwe pèmè vnvmchvngmaq ;

Gvray í nø nøngmaq rvzvngce Bāsharì kaq svng àngò mongzøl lòng èzí íe. Wè wā mv-taq Pvlàcè Kvmnønt tvrà taq gø gvrayí nø àngò mongzøl lòng svng zí mvyøngè. Shvlángà mvyø è. Wervt Vkangpè Yesuí nø lamboq (12) pè kaq svng gōò nø àngò mongzøl lòng zí lúnlvm, Pvlàcè ìshøt shvlángà lvm, àng móngdàn dvsher lúnlvm rvt dèzá:ra dàqshà.

Yadang svng dvdvm nø; vtōshì bø'shà we Mongkà, kvmnønt tvrà vdòng taqø Mongkà shølshú Svra, Svra gvba rì, shvrúngshú rì, dvzømshú rì, shvngømré taqkèní shvngøt dvtú we, vjúrøt dvbvng we taq, Shagóng, Pvlàcè, Gønshaq, shiqshàn mongzøl we jèjú rì, ìshøt rì vtōshì lúnlvm vlē wanø shèdømìe.

Mø-í nìnø Gvray dvkvmkà mongkà vdòngø mv-cvnshàì nìnø lvngdøm àngni taq naqcìqrìq we vhøm lvm vlē, wàe. 

Wervt nø shóngshøng we pèmè vnvmchvngmaq, Lvngdøm àngni taqø naqcìqrìq we lvpat kaq svng góng mà-du lvm rvt cúnshàì we lvpat taq Gvray dvkvmkà, shvngømré, dvzvr rìò talen dvkvmkà vdòng taqø tiqdvciq cúnshì nø Pvlàcè shagóng ìshøt jèjúrì lushì laqlúni wvng dvshat mvyøngè.