Vl dv́ngte shvngbe nø vhúng wā í we

 Vl dv́ngte shvngbe nø vhúng wā í we(Shvngøtshú 1:2-11)

 “Vhúng mvdv̀m vhúng, Vhúng í mvdv̀mø vhúng, shvngbe nø vhúng wa íe,” wa nø shvngøtshú pè shø̀ne.a3 Muqlàng lv̀ngpvng nà:mí sa:rò we rvgaq í dv́ngte taq wàò we bv̀nlìrì taqkèní, sv́ngzàcèí pa vjú lúnshìe ma? b4 Tiq mvrīl vlēvm nø vrá tiq mvril tuq rā nìgø, rvgaq mv̀ng nø dvciqciq v́ldø̄ngdv̀ng wāe. c

Nv̀m gø svr rā nø, vrá vlēvme. Tō ang sv̄rrà svng shvnv́ngshì nø vwv́ngv̄me. d6 Nv̀mbø̀ng nø tvnuni kaq svng wav̄m nø, tvnugo kaq rá vtv́ng longe. Zv̀ndvtuttut tvríshì nø, ang tvrà hwánghwáng gur vwv́ng rae. e7 Rvmèrì shvngbe nø nvmukdvra svng vyø̄ we ínìgø, nvmukdvra nø mvzø̀ng long. Rvmèrì nø angmaq vyø̄ yv́ngsvng tōdø̄ni vtv́ng nø, vrá vyø̄ daqe.

Pv̀n vrv̀m í dv́ngte taq nø vsa:ngí shǿn mvtǿmshì høq mvjòrlv́m wa v̄le. Vne gø yà:ngò lù:ngí nøt shø̀mlv́m màvl. Vnà gø táò lù:ngí tá vzè we màvl.9 Angwà í pv̀n nø tv́n gø̄ í rāe. Angwà wàò pv̀n nø tv́n gø wà lú:ngòe. Wervt nà:mí sa:rò we rvgaq í dv́ngte taq angshv́r í we pàgø màvl. g

“Eyv̀ngnøng, yalòng nø angshv́r tiq pv̀n íe,” wa shø̀nlv́m tiq pv̀npv̀n v̄le ma? Welòng gø nøngmaq vzv̀ng kāngshv́ng rvmàng kèní àv́lshaq í yà:ngì.11 Darìò bànrì svng nø kagǿí gø dvdv̄m rǿnlvm màvl. Mèpvng bø̀n rarì svng gø màdvdvm lú:ngò. Akvt tuqrā we mvril svng gø mèpvng mvril rìí dvdv̄m mvrǿn dá:rò.