Vmv́ngám we vyv̀ngcè kàshvbóng

Vmv́ngám we vyv̀ngcè kàshvbóng

Wervtnø̀ cv̀mré yarì taqkèní tiq gǿ svng gø yv́ng mvtv̀má:mò dø mvwàlv́m rvt nàyáshìnøng. Namaq svng Ngàí v̄la:tnìni, muqlàng taqlapmø v̄l we angmaqò dvzv́r rìí nø, muqlàng taqlapmø vl we Ngà Vpè mv̀rshv̀m svng nv̀nnv̀n yv́ng lú:nòe. Kadø íe wani Vsvng Angcè pè Ngà nø, vmv́ngá:mì we vsvng kaq chv́nglv́m dø̀ng dakngà we íe.

Namaqí kadø dèdv̄mnønge? Vsvng tiq gǿ nø vyv̀ng tiqyá gō vdá we, tiq go vmànv̄m nìnø, a:ngí dvgø̀cé dvgø̀ gō svng shìgùng rvgaqø la:ngò dá:ngí, vmàná:mì go svng lá nvng div̄m we mø̀í ma? Ngàí jø̀ngjǿng v̄la:tnìni, we go lá lún bǿò kvt ang nø màmàn we dvgø̀cé dvgø̀ gō mvdv̀mø wego rvtnø té dvbùe. Welòng dø tiqdvchá muqlàng taqlap vl pè Nvpèí nø cv̀mré yarì taqkèní tiq gǿ gø̀nshaq svng gø vmv́ng mvkā:mò we íe.