Vsvng 5,000 shvá:mò we

 Luka 9;11-17 Vsvng 5,000 shvá:mò we

Inìgø vsvng loksokrìí shá bǿà nø Ang mèpvng cv̀na:tnà. Yesuí angmaq svng vtōò nø, Gvray móngdàn mvshǿl shvngø:tnò nø záyv̀ng bān mvyǿ rì svng gø dvbānaòe.12 Nv̀m vlelv́m wáshì dvgvp, tiqcé vní pè di ráì nø, “Yayv́ng nø rvgaq mvgung í rvtnø vsvng loksokrì nø gùrhøm rvwá rì nvng chø̀m vtv́r rì svng, yøprà nvng v́mlv́m lvláv̄m dø, angmaq svng dèkā:ngò lè,” a:lòe.

Yesuí coqcv́nrì svng, “Namaqí angmaq svng shèv́mnøng lè,” a:lòe. Wekvt angmaqí nø, “Vsvng yadv́ngte shvngbe dvpvt v́mlv́m mvwv̄ná:mì kèní nø, yayv́ng nø zidòng pungwà chv̀ng nvng ngā vní go wa v̄le,” a:lòe.14 (Kadø íe wani weyv́ng lvngàré wa pungwà kíng dv́ngte v̄le.) Yesuí Ang coqcv́nrì svng, “Angmaq svng tiq mvdò pùngwàcé pùngwàcé dv́ngte, angmvdò angmvdò rúng dèzv́rnøng,” a:lò rvt nø,15 angmaqí wedø wàò nø, shvngbe svng rúng dvzá:ròe.

A:ngí zidòng we pungwà chv̀ng nvng ngā goní lá:ngò nø, muqlàng svng kāng ngángshì nø dvjaq sórí, shvmá:nò dá:ngí vmø:tnò nø, vsvng loksokrì kaq túnalv́m coqcv́nrì svng tvlēòe.17 Wekvt angmaq vm nø, shvngbe vgàá:mì. Vché bǿà we angshí rì coqcv́nrìí rvku:lò nìnø, tiqcé vní jv̄ng íe. g

Vpø íwe Vpèmè vnvmchvngmaq shagóng Pvlàcè dvpvt kvmnønt taqkèní nøntlømløm  Gvray móngdàn dvpvt shvrúngshì we bvnlì taq Gvray yv'ngkèní àngyá dvtvng ìshøt igvn vtoshì lúnlvm vlē walòng svng shvdømè.