Yesuí Ang coqcv́nrì hí zá:lò nø shvngøt dvtúò we dang 

Yesuí Ang coqcv́nrì hí zá:lò nø shvngøt dvtúò we dang 

Ngàí kàdøng v̄la:tnìni, vshuq nø angkàng mvdv̀m ring we mø̀í. Dvzv́r gø ang kaq dvzá:rò pè mvdv̀m ring we mø̀í.  Yadv́ng pv̀n svng namaqí èshánøng nø, ècv̀nnøng nìnø, ìshøt ìgv̀n èlún lóngnønge. Namaq shvngbe svng shø̀n we mø̀í. Ngà rvcvngshìshaq rì svng Ngàí shángòe. Iwe Shànshér Kàru taq, ‘Ngà v́mpà vmpè ang híí Ngà svng pèlōnge,’ wa ciq dvhø̄mlv́m rvt íe. Wedø í long dvgvp, Ngà nø Kristu ǿngà we svng namaqí kv́mlv́m dvpvt, shini mvbø̀n ra dvgvp namaq svng Ngàí dvtáì we íe.  Ngàí kàdøng v̄la:tnìni, Ngàí dvzv́rò gǿ svng vtoò gǿí nø Ngà svng nàtòng we íe. Ngà svng nàtòng gǿí nø Ngà dèzv́r dakngà pè svng vtōò we íe,” a:lòe. 

Dvdvm lvm (1) Vkangpè Yesu Hkristu svng Kvmnøntní vto nø shvring ì lòng, àng dvkvmkà svng cvndvgøm nø vtoì lòng nø Vpè Gvray kaq Kvmnøntní vto nø shvringì lòng íe.
(2) Dvzvrìò Mongkà, shvngømré vtóng dvrá rì svng Kvmnøntni vpø shvring, cvndvgømì lòng nø , Gvray dvzømshú, shølshú vgorìò Kà svng gø tánø vpø shvringshì dangrì nø Vkangpè Yesu Hkristu Kà, Vpè Gvray gvsang Kà táì nø Gvray kaq dvbú dvzvr ì dang íe.

(3) Gvray kaq ká:mì taqsórì Gvray móngkà dvrá rì, Vkangpè Yesu dvkvmKà dvrà rì, dvzvr rìò dvkv'mkà, shvngømré vtóng dvrá rì màpøì, Gvray dvzømshú shølshú vgorì svng yv'ng mvtvmvmì màpø'í dang rì nø Gvray kaq Nønt yór, Nønt cv'm dvzá:rì dang rì íe. Wèwa mvtaq àngdeò kvmnønt svng màpø'ì , mvshúngshàì lòng nvng gø vbóngè , walòng svng gø dvdvm shvla we íe. Wervt rvzvngce gø'vrvm taqkèní mvng Gvray gvsang àng shóngnønt svng dvtan nø Gvray àng dvgung svng mvng dvbúng laqlúnì.  Shvngbe svng oqā.