Yesuí shvngøt we júrøtkà

Yesuí shvngøt we júrøtkà

Namaq vjú èrøtnø̀ng dvgvp, wv́ngzàrì røt dø kàciq màdá batnì battv́ng mènànínø̀ngni. Angmaqí nø, kà gvzà luq dø èrøt kvt wa Gvrayí táā dae, lá:nòe.  Wervtnø̀ angmaq taq mècv̄nshìnø̀ngni. Kadø íe wani namaqí Nvpè svng shini mèrøtnø̀ng dvgvp kèní ni, namaq kapà èrànøng we A:ngí vsháshaq íe.Wervtnø̀ namaq vjú èrøtnø̀ng dvgvp yadø èrøtnø̀ng:  ‘Muqlàng taqlap èvlpè nøngmaq Vpèá, Nà bø̀ng svng shànshér dø vpǿ laq sháì. 

Nà móngdàn laq tuq daq. g Muqlàng taqlapmø Nà nøt í lòng dø, rvgaq tø̀mø gø laq í daq.Ni vrv̀m nøngmaq ràì we v́mpà, dèni gø nøngmaq svng èzí daqshà. Nøngmaq svng nàléì rì kaq h nøngmaqí chutnāì dø, nøngmaqí vléì rì gø èchutnāshà. Dvløt rā yv́ng nøngmaq mèshø̄lshàni, mvgv̄m màshvla lòng kèní nøngmaq svng shèlutshà.  (Kadø íe wani móngdàn gø, jórnònggùn nvng dvgùng gùngshv̀ng nø, dvciq lvpat Nàò èíāe, Yadø laq í daq,)’* wa èrøtnø̀ng. Vsa:ngí nàlévtnøng we svng namaqí èchutnānø̀ng kvt nø, muqlàng taqla:pmò namaq Nvpèí gø, namaq svng èchutna daqnø̀nge. Vsa:ngí nàlévtnøng we svng namaqí mèchutnānøng kvt nø, namaq Nvpèí gø namaqí nàlénøng rì svng mèchutna daqnø̀ng.