Yesuí vjúrø:tnò we

Yesuí vjúrø:tnò we

Ya mvdò dvpvt wa Ngàí røtnangò we mø̀í, angmaq kà taqkèní Ngà svng kv́m ra rì dvpvt gø røtnangòe.  Ngà nø Nàí dèzv́r dakngà we svng rvgaqí kv́mlv́m rvt, angmaq shvngbe nø tiq lòng wa ívm nø; Vpè Nà nø Ngà vdòng taq èv̄l nø, Ngà gø Nà vdòng taq vl dø, angmaq gø Nøngmaq vdòng taq v̀llv́m dvpvt Ngà røtne. Vrá, Nøngmaq nø tiq lòng wa íshà dø, angmaq gø tiq lòng wa ílv́m rvt, Nàí Ngà svng èzǿng yv̀ngà ngø̀r dvgùng nø angmaq svng zǿng bǿngà. Ngà svng Nàí dèzv́r dakngà we nvng Ngà svng Nàí èshònga dø tiqdvchá, angmaq svng gø wedøni vshóngshaq Iwe svng, rvgaqí shálv́m dvpvt Ngà nø angmaq vdòng taq v̄l nø, Nà gø Ngà vdòng taq èvl yv́ng kèní, angmaq nø tiq góng tiqnøt taq wa kø̀mgøm vrv́m vrálv́m rvt Ngà ngø̀r dvgùng angmaq svng zǿngòe. 

Vpèá, Nàí Ngà svng vzíshaq rì angmaqí, Nàí èzǿngà we Ngà ngø̀r dvgùng yv́ng lúnlv́m dvpvt nvng Ngà vl yv́ngø angmaq gø v́l lúnlv́m lòng svng Ngà shònge. Pàwálv́m wani rvgaq angké shini màshvzøngshaq vzv̀ng kèní Nàí Ngà svng èshòngae.  Døngman pè Vpèá, rvgaqí Nà svng mèshá nìgø, Ngàí Nà svng shánge. Yarìí gø Ngà nø Nàí dèzv́r dakngà we svng shá bǿà.  Nàí Ngà svng èshòngà we shóngnøt angmaq vdòng taq v̀llv́m dvpvt nvng Ngà gø angmaq vdòng taq v̀llv́m dvpvt, Nà bø̀ng nø Ngàí angmaq svng shá dvzv́r bǿngà. Tv́n gø shá dvzv́rlv́m íe,” wae.