Yesuí Yohan dvsha:ngò we

Yesuí Yohan dvsha:ngò we

24 Yohan ang dvzv́r pèní loá:mì mèpvng, vsvng loksokrì svng Yohan dāng Yesuí yadø shǿn pà:ngòe. “Namaq nø kapà dvjaqlv́m dvpvt rvgaq mvgūng svng èdìv́mshà ma? Nv̀mbø̀:ngí vwa:tnò we gūngzì tv̀ng svng í ma?

25 Mø̀ínī, pà yv́ng nvng svng èbúngv́mshà ma? Shøpshøp wa we belaq gwashi we tiq gǿ svng í ma? Kū, zø̄rzø̄r wa we gwálá:mì dvcøpshì nø, v́m aq lúnshi vsvngrì nø koqkv́m Tø̀ngnø rì taq lè v̄le.

26 Ini, pà yv́ng nvngsvng èbúngv́mshà ma? Kàdvtutshú tiq pè í ma? Ngàí v̄la:tnìni, íe; kàdvtutshú mvdv̀mø té ring we tiq pè ni íe. i

27 Kàru taq vrū yà:ngà we, ‘Eyv̀ngnøng, Nà mv́rdv̀ng yv́ng Ngà dvzv́r Ngàí dvzv́r dakngò nø, Nà vzv̀ngzv̀ng Nà tvrà a:ngí dègǿa dāe,’ wa kà nø yapè dāng ni íe. 

28 Ngàí namaq svng v̄la:tnìni, svmarérìí gà:lò rì taqkèní, Yohan mvdv̀m rīng we nø tiq gǿ gø màvl. Wedø ínìgø Gvray móngdàn vdòng taq cv́m vtv̄ng gǿ nø ang mvdv̀mø té ringe,” a:lòe. k

29 Yohaní tiløp løpma bǿà we bashà rì nvng kùyà gúnrìí Yesuí shø̀:nò kàrì tá bǿà kvt, angmaqí Gvray Ang døngman tvrà vchà:ngòe. l

30 Iwe Farisirì nvng dvrá kàciq vrálshú mvdò mv̀ng nø, Yohan tiløp lòng svng màtōshì rvtnø Gvray nøt svng gø màtoshi.