Yesu coqcv́n nv̀mlat gōò we

Yohan 1:47-51  Yesu coqcv́n nv̀mlat gōò we

 Nataniel Ang yv́ng di ráì we Yesuí yv̀ng bǿà kvt ang dang tvnuò nø, “Ku, dvgoqnøt mvzvng we Israel vjø̀ng tiq pè,” wae. j48 Natanielí Ang svng, “Nàí kayv́ng kèní ngà èshángà ma?” a:lòe. Yesuí vtà:ngò nø, “Filipmí nà svng shini mègo dvgvp, nv̀mgwè tø̀ng lv̀ngpvngø nà èvl dvgvp ni, Ngàí nà svng yv̀ng bǿngà,” a:lòe.

Natanielí Ang svng vtà:ngò nø, “Rabbiá, Nà nø Gvray Angcè pè, Israel Koqkv́m pè èíe,” a:lòe. k50 Yesuí ang svng, “Nv̀mgwè tø̀ng lv̀ngpvngø Ngàí nà svng yv̀ng bǿngà, wvng kà rvtnø nà èkv́me ó? Ya mvdv̀mø té ring pv̀n nàí èyv̀ng lú:ngòe,” a:lòe.

Vrá Yesuí, “Ngàí kàdøng tiqkā v̄la:tnìni, muqlàng vtánvm nø, Gvray Ang muqlàng dvzv́rrì nø, Vsvng Angcè pè mvdv̀m taq rvlv́ng mv̄nshì yøt mvnshì we svng namaqí èyv̀ng lóngnønge,” a:lòe.