Yesu kristu dvpvt shvkse wáshì ninø vréshìlvm vhøm rawe dang

June 25, Mati 10: 26-33 (12th Sunday of the year Homily)

Shvngbe kaqsvng pàmvra. Yalvbán nø damvn (12) lvbán wawe lvbán ni íe. Deni røvdu we Gvray
mòngka tiq tut taq Yeremia 20:10-13, vní tut Roma 5:12-15, vshøm tut Mati dvbù shvng mòngka
10:26-33 vdùng taq kèní íe.

1/ Dvzvrì svng rvsv:ngò wenø kàngpè Yesu svng shvkse wáshì lvm íe.
2/ Kà dvtutshú Yeremiaò nønt dat vtvng nø shvkse wáshì we dang
3/ Kàngpè Yesu kristu dvpvt shvkse wáshì ninø vréshìlvm vhøm rae.

Kashvbóng vnipvn kèní vzvng nvnggùn zí mvyø'nge.
Nøngmaqò shvnvng taq yazvwut muq bøn daqke, Yérìí nø shvnvng taq vlwe vsvng rìkaq we vmuq
nvng sing nø yv:ngò vrvm, táò dang vrvm kaq røtò jepmò we svng yvnglún shìe. We mèpvng dará
rúng yvng vmuq svng jepmò ke yv:ngòrì (မျက်မြင်သက်သေ) rìsvng goò nø (ကျမ်းသစ္စာကျိန်ဆို) dá:ngí
angmaqí yv:ngò, táò pvn vrvm svng døngmvn dø shøn dvzvrò we íe. Nøngmaqí angmaq svng
svkse wáshìrì vlìe.

Vrá tøn tiq pvn nø nøngmaq taq kèní tiqgø gø' nø vsúyaq bvnli tiq pvnpvn (လျောက်) mvyø' we rvtø
taq nøngmaqó laqyaq shvlá we nvng bvnli dvzaq shìwe dang svng shálvm mvtu kàrurì zøm dvng
nø ra vchvk we íe.

Kàngpè Yesu dvpvt kapvnri raemá wani-- Nvmlvt taq kàngpe yesu kristuí rvgaq tøm taq wa yv:ngà,
shøn yv:ngà we kà vrvm nø døngmvn we dvbù shvng mòngka íe wanø nøngmaqí kámnønt nívto
ìnø vchàng ràe. Vní pvn wawe taq nøngmaq nø kàngpè Yesu lvp svng wa rvtø vrvm ngøngdøng
dø rip ràe. Nøngmaq dvpvt Yesu kristu nø vchvk mvdøng cháng kàngpè íe wa vto ìnø kám ràe.
Shànshér Pvlàcè namaq mvdv̀m tuq daq kvt, namaqí nø jórnònggùn èlún daqnø̀nge. Wekvt
namaq nø Yerusalem taq gø, Yuda móng shvngbe taq gø, Samaria móng taq gø, rvgaq vtv̄ng
yv́ng høq ínìgø, Ngà shvkse èí lóngnønge,” (Dvzvr 1:8) wae.

Kàngpè Yesu Kristu svng vchàng lvm ímá, màchàng lvm ímá tiq pvn pvn svng rvsang shàì.

Kà dvtutshú Yeremia nønt dat vtvng nø shvkse wáshì we dang
- Gvray Gvsangí zinø dvtú shàwe bvnlì døngjá svng dvzaq shìwe Kà dvtutshúrì shvngbe nø
dvshà mvhøtlvm, rìsvng rvtø vrvm taq vhømò we íe. Yeremiaí
Kà dvtutkà shø̀n daq kvt vrv̀m dvshà mvhøtlv́m dang nvng vrø̀l vcatlv́m dang Vsàngí zerlv́m
vhø̄lv́m yitkélvm vhømò rvt Agà gv̀l yv̀ngà ni svng gø dvgám yv:ngà we íe. Wedø ínìgø Gvray
Gvsang nø cilshvre tiqpè dø ngà nvng tiqdø vle nvnggùn lūshìe.

Kàngpè Yesu kristu dvpvt shvkse wáshì ninø vréshìlvm vhøm rae.

Gvrayò dvzvrshúrì nø vréshìlvm svng vhøm lvm wa íe. Gvray Gvsangò mòngka døni cvnlvm
yòlwe dang nø mví. Wedø ínigø dvshá mvhøt wenø shvkse wáshì lvm dvpvt apnúng dvle shìwe
ang dvpø' íe. Ngà nø, “Akvt kèní Ang dang ngàí mvshø̀nlvm íe. Ang bø̀ng taqkèní gø kà
màdvtutlv́m íe,” la wvngnø̀ng gø, Ang Mòngkà nø ngà nøt nvng ngà shārø̄rì taq svmi dø vcōr
rvtnø, vgv́rshì mvjòr høq màtø̄nkéngò (Yeremia 20:9) taq wae. Nøngmaq nø kàngpè Yesu Kristu
dvpvt shvkse wáshaì nø dvki vréshìlvm vhøm rae. Wedø ínigø scremvra døni nønt dvshá gø
mvrà (Mati 10: 28,31) taq yvnglún shìe.

Adam rvt Vsvng shvngbe Pvlàcè nvng shagóng Mvra tìdøm kaq svng vjávmshà we íni gø Vkangpè
Yesuò shóngnønt rvt Mvra vdòng lvpat taqkèní Gvray gvsangò mongzøl we lvpat taqø góng lún
bø'shà. Nøngmaq, ni vrvm cúnshàì we lvpat taq shóngnønt nvng Mvra kadvgvp gø tiqdø mà-vl
walòng svng dvdvm røn ràe. Mvra ínø nøngmaqò Pvlàcè lvpat svng shí sháò we mvdvm Gvray
gvsangò jèjú nvng vcar sháòe. Mvra nvng tāsocvr íwe shóngnøntnò kūnga nø gvzà teè. Wè kūnga
vzàm nø ídv'ngte shvngbe svng rí lúnò we Kūnga, shvrelvm pvnrì yv'ngkèní vzaqshì lún we vzàm
zí lúnè. Gvray mvdvm gv'lshì we dìngman we shóngnønt nvng ngvng we kvmnønt rì nø Shànshér
vsvng, kvmnønt svrē rì dø vzaqshì nø shí kvmshì we, vtù vre dàm rì svng rí lún we vzàm vlē.

Nøngmaqò lvpat taqgø Gvrayí zí we ìshøt igvn rì svng lvknak tiqlòng dø dvgø taqsórí Shagóng
Pvlàcè gønshaq vní lòng svng shvmvng mvyø we dø lòngò vzàm taqkèní jór laqlúnì shvngbe
mvdvm gvray mòngzøl we jèjú vtoshì lelúnnøng shvngbe kaqsvng oqà.