Yesu shí rà we dang dvtáò we

Yesu shí rà we dang dvtáò we

30 Angmaq nø we rvgaq kèní búngá:mì nø, Galili rvgaqgaq léshì ráì. Yesuí coqcv́nrì svng shvngøt mvyǿ rvt Ang vl yv́ng kagǿí gø laq mvsháò wa dvdā:mòe. jk 31 Ang coqcv́nrì svng A:ngí shvngø:tnò nø a:lò we nø, “Vsvng Angcè pè nø vsvng wur taq shvtlv́m tvle bǿòe. Werìí Ang svng shvt bǿòe. Shvt bǿò mèpvng vshø̀m ni wani taq vrá zun longe,” a:lòe. l 32 Wedø ínìgø ya kà svng angmaqí mvcí:ngò. Ang svng røt gø mvkā:mò.m Tē we cv̀m we vzø̀ng we 33 Angmaq nø Kapernum mvrìng svng tuq ráì. Chø̀m vdòng gòngám dvgvp Yesuí angmaq svng, “To tvrà ram namaq kapà rvt nàzø̀ngnønge?” wa rø:tnòe. no 34 Iwe angmaq dø màwá v̄le. Pàwálv́m wani tvrà ramø angmaq dvhø̀ taq kagǿ té ringe wa dang vzø̀ng dá:rì. 35 Wekvt Ang rung nø, coqcv́n tiqcé vní pè svng dvká:mò dá:ngí, “Kagǿ vgo wáshì mvyǿ ni wegǿ nø shvngbe lv̀ngpvng cipshì nø, shvngbeò dvzømshú wáshì ràe,” a:lòe. p 36 A:ngí cv̀mrécè tiq gǿ shøla:tnà nø angmaq dvhø̀ø shvri:pmòe. Ang wu:rí gø ang svng mvguqò sórí angmaq svng a:lò we nø, q 37 “Kagǿ í nìgø Ngà bø̀ng taq kèní cv̀mrécè yadø í we tiq gǿ svng vtoò nìnø, Ngà svng nàtòng we íe. Vrá Ngà svng nàtòng we wa mvtaq Ngà svng dèzv́r dakngà pè Ang svng vtoò we íe,” a:lòe.