Yesu svng vtaqlv́m shøl bǿà we

Pilatní vshø̀m kvt wakvt a:lò nø, “Pawá lè! Yapèí mvgv̄m màshvla we kapà wàa:pmà ma? Shí vpǿ we mvrà ngàí Ang taq tiq pv̀n gø lá mvlúnò. Wervt Ang svng vdip dv̀ng shvlànglv́m íe,” a:lòe. 23 Wedø ínìgø angmaq nø téwa shaqmèí vkiq sórí vhvpshi nø, Ang svng vtaqlv́m rvt røtshìe.

Weyv́ng kèní angmaq vkiq we shaqí dv́ngké bǿà. 24 Wervtnø̀ angmaq røtshì døni wáalv́m rvt Pilatní kà ra:tnòe. 25 Wemvdv̀mø, angmaq røtshì pè, vjángshìlv́m dvbūngò we nvng vsvng shvt rvtnø tūng taq rú:ngò pè nø a:ngí shvlángaòe. Iwe Yesu svng nø, angmaq shóngshì dø wàò nø dvshílv́m dvpvt a:ngí tvlē bǿà.
Yesu svng vtaqlv́m shøl bǿà we
26 Angmaqí Yesu svng shøl bǿà dvgvp, vtv́r rvwá kèní dì ráì we Kureni pè Simon svng angmaqí ta:pmò nø, wurgang long nø ang mvdv̀m ha:pmò dá:ngí Yesu mèpvngpvng baq dvzá:ròe. f 27 Bashà rì loksok tiq mvdòí gø Ang mèpvng cà:nòe.

Svmaré gø tiq mvdò zv̀n we, angmaq nø Ang dvpvt ngø:tnò nø rv̀ngshvng wae. 28 Wervt Yesu wv́l pōshì nø angmaq svng, “Yerusalem cèmèlaé, Ngà dvpvt nø mèngǿnø̀ngni, namaq vdè dvpvt nvng nvcǿ nvcèrì dvpvt mv̀ng èngǿnøng. 29 Kadø íe wani èyv̀ngnø̀ng, ‘Vdǿm rì nvng cv̀mré mvgà:lò we svmarérì nvng nōng màdvcøqshì dv̄r rì nø ìshøt ìgv̀n lún rì íe,’ wa nø shø̀nlv́m angni tuq rae.