Yesu tv́n tiq kvt di daq we

Yesu tv́n tiq kvt di daq we

24 “Dvshà mvhøt welòng mèpvng nv̀m nø yø̀myø̀m døv̄me; shvlá gø mvgáv̄m; j 25 Kurniprì gø muqlàng kèní vja daqe. Muqlàng rāmò jórnònggùn rì gø vnanshì longe. k 26 Wekvt Vsvng Angcè pè nø jórnònggùn vtv̄ng ó ngørdvgùng nvngnvng, rvmøt zúnshì nø lashì daq we svng angmaqí yv̀ng lú:ngòe. l 27 Wekvt A:ngí Ang dvzv́r rì dvzv́r daqò nø, rvgaq yamvtú kèní ku mvtú høq rvgaq vbì górtong kèní ni, Gvrayí rvhiqshaq rì svng dvkø̀ma:tnòe,” a:lòe. m

Nv̀mgwè tø̀ng mvshv́lpvrá 28 “Nv̀mgwè tø̀ng taqkèní shvbóng rà ècv̄nshìnø̀ng. Ang dvgv̀ng mvkuq nø, angcvp gø shv́r long dvgvp nø, mvyù yùl ráì we svng namaqí èshánønge. 29 Welòng dø yadv́ng pv̀n vhø̄m mvnshì we svng èyv̀ng bǿnøng dvgvp, Ang nø bv́ngkà chit yv́ngø ni tvp níshì ráì we svng namaqí shá ràe. 30 Namaq svng Ngàí jø̀ngjǿng v̄la:tnìni, yadv́ng pv̀n nø webàn cèrì shvngbe shini màle dvgvp ni bø̀n rae. 31 Muqlàng rvgaq nø vlev̄me, ngà kàrì nø màlēvm. 32 Wedø ínìgø weni wervtø̀ nø, kagǿí gø mvsháò. Muqlàng taqlapmø vl we muqlàng dvzv́r rìí gø mvsháò, Angcè pèí gø mvsháò, Vpèí wa sháòe.