Yesu vmíng vkv́ng dang rø:tnò we

Yesu vmíng vkv́ng dang rø:tnò we

23 Yesu nø noqngø̀m Tø̀ngnø vdòng svng gòng nø shvngøt mā:nò dvgvp, shvrúngshú vjìrì nvng bashà rì taqkèní shaqré shaqtvngri Ang yv́ng svng dì ráì nø, “Yadv́ng pv̀n nø Nàí pà vmíng vkv́ng taqkèní èwàò we í ma? Vmíng vkv́ng yalòng kagǿí Nà svng èzie ma?” wa rø:tnòe. lm

24 Yesuí angmaq svng vtà:ngò nø, “Namaq svng gø Ngàí tiq kà røtna:tnìni; yakà nàtv́nshà kvt kèní nø, kapà vmíng vkv́ng kèní Ngàí yadv́ng pv̀n wv̀ngò we, Ngàí gø namaq svng dvtádv̀ng íe.

25 Yohaní tiløp zíò lòng nø, kayv́ng kèní í má? muqlàng kèní í má? mø̀íni vsvng kèní í má?” a:lòe. Wekvt angmaq vrùng lú:ngì nø, “‘Muqlàng kèní íe,’ ā:lì nìnø A:ngí, ‘Wedø íni ang svng pawá mèkv́mnøng?,’ wā rāe.

26 ‘Vsvng kèní íe,’ lā ā:lì nìgø, Yohan nø kàdvtutshú íe, wa vsvng shvngbe kv́m rvtnø vsvng loksokrì kaq svre ràe,” wae. n

27 Wervt angmaqí Yesu svng, “Mvsháì,” a:lòe. Wervt Yesuí gø angmaq svng, “Wedø íni Ngàí yadv́ng pv̀n pà vmíng vkv́ng kèní wv̀ngò we, Ngàí gø namaq svng màdvtáì,” a:lòe.