Yesu wurgang taq vtaqò we

Yesu wurgang taq vtaqò we( Yohan19:25-27)

RVA Rvwang Shvngkà tvyø lvmvng svng ètāshì nøng we vnvmchvngri Shvngbe svng Pàmvrà.
Dèni tāshì lvm Gvray dvbùshang mongkà taq nø Chutchvng we Kvmnønt tvràò àngké, Gvray Angmè Mari kaq svng vpø shvring shvta lvm Vkangpè Yesuí ni dvkv'm we dang.

Yesu Ang wurgang shvnvngø angmè gø, angmè ang nvm mè Klopa ang chø̀mmè Mari gø, Makdala Mari gø ripme.26 Yesuí angmè nvng Ang shóngshì we coqcv́n pè nø àng shvnvng yv́ng rip we svng yv̀ng bǿà kvt, A:ngí angmè svng, “Svmaré mèá, èyà:ngò, nvcèpè,” a:lòe. h
27 Wedá:ngí A:ngí coqcv́n wepè svng gø, “Eyà:ngò, nvmè,” a:lòe. Wervtø̀ kèní Mari svng nø coqcv́n wepèí, ang chø̀m svng shøl bǿà.

Vpø íwe pèmè vnvmchvngmaq, Wè yv'ngkèní Coqcv́n rì í muqlang kaq svng Gvray Angmè tiqgóng shvngbe ngvngni høqshaq shvgùn shvring Vpø yvngà we mvdvm dèni høqshaq shvngømréí shøl we vdòng Gvray Angmè Mari kaq angò dvkv'm Kà rì vl dø tiqdvchá coqcvnri nvng tiqdø kvmnønt, shvráshi nø shvgùn shvring weí jèjú ìshøt rì røtshì nø vpø shvring shìdang íē.

Shvngbeí Gvray Angmè Mari nvng longzape Yesu Hkristuò shvmán jèjú vtoshì leqlúnøng.
Shvngbe svng Oqā.