Zā vsvng dvbā:nò we

Mark 3:7-12, Zā vsvng dvbā:nò we 

Dèni rø vdù we Gvray gvsang Mongkà taqkèní dvshvt nø nònggùn zí mvyøng we taq, Vpø íwe pèmè vnvmchvngmaq vsvng Kà nø Vsvng rì taqnī vsēr è, wa Kà vlē. Mark 3:7-12 ciq vdòng svng eyàng lúngò dvgvp, Vkangpè Yesuò dvbùshang mongkà svng tálunò rì nø go mvra. Kvmnøntní àngmaq wā vnvpshi nø Vkangpè Yesu Hkristu kaq svng lá lúnò we dang vkvtdø yv'nglún shìe.

Dèni Vkangpè Yesu Hkristu mèpvng cvni we rvzvngcerì gø'vrvmí gø vjvng laqya shvláí svkse wáshàì nìnø Vkangpè Yesu Hkristu kaq svng kám we, døngman lòng svng lá lúnò we vsvngrì téwa luq mvnshì we íe.Àngdeò Kvmnønt vjvng laqya shvlá vtv'ng rì í  tiqdvr vsvng kaq Vkangpè Yesu kaq svng shøl èlúnò nìnø gvzà shvla we gønshaq Chutchvng we jèjú bvnlì ínø, àngdeò mà-shvla we vjvng laqyarì taqkèní tiqdvr vsvng rì Vkangpè Yesu Hkristu kaq svng shøl mè-lúnò, shvkse dvtán mè-lúnò nìnø ngà taqø Satan dvlø:t gvzvmè,  walòng svng dvdvm vdù we íe.

Vpø íwe vnvmchvngmaq, Mark 3:7-12, Wemèpvng Yesu nvng Ang coqcv́nrì nø, tìnúng kaqsvng yilshìá:mì. Galili kèní dì ráì we vsvng loksu:kngí gø, Ang mèpvng cv̀n bǿà. d 8 Vrá A:ngí ring we bv̀nlì wàò we tvrà tá bǿà kvt, Yudá rvgaq kèní gø, Yerusalem wamà kèní gø, Idumia kèní gø, Yordan tìwàng kupa nvng Tiru ó Sidon kèní gø, vsvng loksok nø Ang yv́ng svng dì ráì. e 9 Vsvng loksu:kngí Ang svng màshvgørlv́m rvt, kùngshícè tiq gø̀m Ang dvpvt tvlú dvgø̀lv́m Ang coqcv́nrì svng a:lòe.

Pàwálv́m wani vsvng mvme svng A:ngí dvban bǿà rvtnø, dvsǿn zøtnaí zarì í dv́ngte nø Ang svng shup lúnlv́m vnvpshì ráì. 11 Cáng dvchøp rì nø Ang svng kadvgvp yv̀ng bǿò nìnø wedvgvp Ang mv́rdv̀ngø kǿng kupshi nø, “Nà nø Gvray Angcè pè èíe,” wa vkiqe. f 12 Inìgø Ang kagǿ í we vsa:ngí shá màdvzv́rlv́m A:ngí werì svng mvgvmkaq dvká:mòe, wàe.

Mongkà tá èlúnøng we gø vrvmì  Vkangpè Yesu yv'ngkèní shiqshan mongzøl lòng vtoshì leqlúnøng. Shvngbe svng Pàmvrà.