Zun long we vní pv̀n

Yesuí angmaq svng vtà:ngò nø, “Vpèí nø akvt høq bv̀nlì wá ma:nò rvt, Ngàí gø wá mv̄nòe,” a:lòe. g 18 A:ngí nø Narni dvrá svng ca:tnò we wa mvtaq, Gvray kaq gø Angpè tǿò nø, Ang nø Gvray nvng dvchá sūnshì rvtnø téwa, Yuda vsvng rìí Ang svng shvtlv́m vjø:nòe. h
Angcè pè vmíng vkv́ng

19 Wervtnø̀ Yesuí angmaq svng vtá:nò we nø, “Ngàí kàdøng v̄la:tnìni, Angcè pèí nø Angpèí wàò pv̀n yà:ngò dv́ngte wa mø̀í nìnø, Ang nøt waí nø tiq pv̀ncè gø wá mvlú:nò. Kadø íe wani Angpèí kapv̀n wàò nìnø, Angcè pèí gø wedø tiqdvchá wàòe.

i 20 Angpè nø Angcè pè svng shóngshì rvtnø, A:ngí wàò dv́ngte nø angcè pè svng shvya:ngòe. Vrá, namaq svng dá dvzv́rlv́m dvpvt, yarì mvdv̀mø ring we bv̀nlì gø A:ngí Ang svng dvtan daqòe. j 21 Vpèí shìrì svng dvzū:nò nø gø̀nshaq dvcú:nò dø tiqdvchá, Angcè pèí gø welòng døni dvcún mvyǿ dv́ngte svng dvcú:nòe.

22 Vpèí nø kagǿ svng gø kà mvngéò. Wedø ínìgø kàngélv́m vmíng shvngbe nø Angcè pè svng vzíshaq íe. k 23 Yalòng nø angmaqí Vpè svng vpǿò dø Angcè pè svng gø vpǿlv́m dvpvt íe. Angcè pè kaq màpǿò gǿí nø Ang kaq dvzv́r daqà pè Vpè svng màpǿò we ni íe. l 24 Ngàí kàdøng v̄la:tnìni, Ngà kà tashi nø Ngà svng dèzv́r dakngà pè svng kv́m gǿí nø dvciq lvpat gø̀nshaq lú:nò nø, kàngé we màhǿ:mò. Ang nø shìlv́m lòng kèní léshì nø gø̀nshaq cúnshìlv́m yv́ng svng gòngvm we íe.

Zun long we vní pv̀n

25 Ngàí kàdøng v̄la:tnìni, shìrìí nø Gvray Angcè pè kà tá lú:ngò we rvtø̀ tuq rae, akvt gø íe. Ang kà svng táòrì nø zun longe. n 26 Kadø íe wani Vpè vdòng taq gø̀nshaq vl dø tiqdvchá, Angcè pè vdòng taq gø gø̀nshaq v̀llv́m dvpvt, Vpèí Ang svng vzíshaq íe.

o 27 Vrá, Ang nø Vsvng Angcè pè í rvtnø, kàngélv́m vmíng Gvrayí Ang svng vzíshaq íe. p 28 Yalòng svng mènàtiq nøngni. Pàwálv́m wani dvgv̀m vdòng taq vl rì shvngbeí Ang kà táò nø búng long we tiq rvtø̀ tuq rae. 29 Shvla dø wàò rì nø, gø̀nshaq lúnlv́m yv́ng svng zūn longe, mvgv̄m dø wàò rì nø, kàngélv́m yv́ng svng zun longe. q
Yesu dāng shvkse wáshì rì

30 Ngà vdè vmíng kèní nø pà gø wá mvlúnò. Vpèí Ngà svng kapà shø̀n daq nìnø wedø ku wa kà rvtnòe. Ngàí nø Ngà nøt svng màcv́nshaq Ngà svng dèzv́r dakngà pè Ang nøt svng cv̀nò rvtnø, Ngàí kà rvtnò lòng gø døngmane.