Nv̀mgwè tø̀ng mvtá:nò we

   Nv̀mgwè tø̀ng mvtá:nò we

Yesu nø Yerusalem wamà svng tuq ráì nø, Noqngø̀m Tø̀ngnø vdòng svng gòngá:mì. Gùrhømhøm shvngbe svng A:ngí yà:ngò dá:ngí, dørø̀m høqa:tnà rvt tiqcé vní pè nvng tiqdø Ang nø Betani mvrìng svng dìá:mì. d Nv̀mgwè tø̀ng mvtá:nò we 12 Mèpvng ni angmaq nø Betani mvrìng kèní dì ráì dvgvp, Yesu svrí shì lú:ngì. 13 Vrúm yv́ng angcvp pǿng we nv̀mgwè tiqtø̀ng svng yv̀ng bǿà nø, wetø̀ng taq angshí tiq chv̀ngchv̀ng shíe má wa yv́ng nvng die. Weyv́ng tuqá:mì nìnø, nv̀mgwè zí rvtø̀ mø̀í rvt, angcvp wa mø̀íni pà gø mvyà:ngò. e 14 Wervt A:ngí wetø̀ng svng, “Akvt kèní kukaq tiq gǿí gø nà yv́ng kèní angshí laq mvlúnv́m dá:rò,” a:lòe. Wekà nø Ang coqcv́nrìí gø táòe. f Noqngø̀m Tø̀ngnø vní kvt wakvt dvshè:rò we 15 Angmaq Yerusalem yv́ng tuq ráì nìnø, Ang nø noqngø̀m Tø̀ngnø vdòng svng gòng nø, weyv́ng wulaq wáshì rì svng lù:ngò nø, gv̀msùng cheshi rì nvng kaø nv̄mke rì angmaq rúngrà rì ngaqòe. g 16 Vrá, A:ngí Noqngø̀m Tø̀ngnø wáng vdòng svng pà dvrè tiq pv̀n gø shvlē màdvzá:rò. 17 A:ngí angmaq svng shvngø:tnò nø, “‘Ngà chø̀m nø vsvng dvcì í dv́ngte dvpvt júrøt chø̀m, wa tǿ ràe,’ wa nø vrū yà:ngà we mø̀í ma? Iwe namaqí nø, Ngà chø̀m svng tø̄lv́m rì angdv̀ng lè í dèzv́r bǿshà,” a:lòe. h 18 Shvrúngshú vjìrì nvng dvrá svrarìí tá bǿà nìnø, Ang svng shvtlv́m tvrà láòe. Inìgø vsvng loksokrì nø, Ang shvngøtkà svng dádv̀ng wa rvt, angmaq nø Yesu svng svrēe. 19 Nv̀m dø ráì ke Yesu nvng coqcv́nrì nø wamà kèní búngá:mì. Kv́mnø:tní wá dá:ngò we 20 Mèpvng shá:ngí, angmaq léshì ráì ke, nv̀mgwè tø̀ng nø angrø̄ kèní shúnga:pmì we angmaqí yv̀ng bǿà. i 21 Wekvt Piterí dvdv̄m rǿn daqà nø Ang svng, “Rabbiá, ku; Nàí mètv́nap:mà nv̀mgwè tø̀ng nø shúnga:pmì,” a:lòe. 22 Yesuí angmaq svng a:lò we nø, “Gvray kaq èkv́mnøng. j 23 Ngàí jø̀ngjǿng v̄la:tnìni, yamvrùl svng, ‘Nàcílshi nø, tìnúng vdòng svng dègupshivm,’ a:lò sórí nøt vdòng vnínøt mànøtshaq, kadø shø̀:nò ni wedøni í rae, wa kv́m we vsvng kagǿ í nìgø, wegǿ dvpvt nø a:ngí shø̀n bǿà døni bǿna lú:ngòe. k 24 Wervtnø̀ Ngàí v̄la:tnìni, namaqí vjú èrøtnø̀ng kvt, èrøtshìnøng dv́ngte pa í nìgø lún bǿngà, wa èkv́mnøng kèní nø èlún daqnø̀nge. l 25 Namaq èripnø̀ng sórí vjú èrøtnø̀ng dvgvp muqlàng taqlapmø vl we Nvpèí gø namaqí nàlénøng rì svng chutnālv́m rvt, namaqí nø vsvng tiq gǿgǿ nvng nøt nàyv̀ngkénø̀ng we vl nìnø èchutnanø̀ng; m 26 Iwe, vsvng kaq namaqí mèchutnānøng nìnø, muqlàng taqlapmø vl we Nvpèí gø, namaqí nàlénøng we mvrà svng mèchutna daqnø̀ng,” a:lòe.