‘Ang nø cáng zv́ngshìe,’ wae.

Gvray Dvbu Shvnka

Mati 11:16-19

Yamvril rì svng Ngàí kapà nvng shvbónglv́m í ma? Gvt tø̀mø cv̀mré rì rung nø angmaq rv̀mnvng rì svng, ‘Nøngmaqí namaq dvpvt bishūn møtnāì we, lemèlv̀mnøng; namaq dvpvt rv̀ngshvng wàì nìgø, lemèyùrnøng nìnø!’ wa vkiq rì dø vshv́me.  Kadø íe wani Yohan nø, v́m gø màv̄m, aq gø màaqshaq di daqì nìnø, werìí, ‘Ang nø cáng zv́ngshìe,’ wae.  Vsvng Angcè pè Ngà nø v́m ak nø dø̀ng dakngà nǿng nø rá angmaqí, ‘Vmpà, bìmtì mvlá pè, kùyà gú:nò rì nvng mvrà v̄l vsvngrì rv̀mnvng pè,’ èv̄le. Wedø ínìgø Gvray Ang zitnøt rálnøt mv̀ng nø vdu we svng, ang bv̀nlìí dvta:nòe,” wae.