Abram nvng Lot vkāng we

Abram nvng Lot vkāng we

2Abram nø nìnàré nvng gv̀msùng vshé gvzà vdá nø mvgàm í yà:ngì. a5 Abram mèpvng zv̀n pè Lot gø, vyv̀ngré, nìnàré nvng shìyatrì luqāòe.6 Wekvt angní tiqdø v̄l dvgvp nø wemóng rvgaqí dvkúm mvdá:ngò. Pàwálv́m wa nìnø angní vdá we ìshøt ìgv̀nrì nø, angní tiqdø v́l màshvlá lú:ngì høq luqā lú:ngà. c7 Wekvt nø Abram ang nìnà roqrì nvng Lot ang nìnà roqrì dvhø̀ø̄ vzī vrùng wàlv́m bung lú:ngì. Wedvgvp nø Kanan dvcì nvng Perizi dvcì cèrì gø wemóng taq v̀l yà:ngì. d8 Wekvt Abramí Lot svng, “Ngàní wv̀ng nø tiq dvcì tiq rvp wa íshà rvtnø, nà nvng ngàní dvhø̀ taq gø, ngà nìnà roqrì nvng nà nìnà roqrì dvhø̀ taq gø, vzī vrùng wàlv́m laq màvl dv̄r, wv̄nge. e

9 Rvgaq køp nø nà mv́rdv̀ngø vtán we mø̀í ma? Lò! ngà yv́ng kèní èrv́lshìv̄m, wv̄ng røtne. Nà vgwé lap svng èdī nìnø, ngà nø vbàng lap svng dø̄nge; nà vbàng lap svng èdi nìnø, ngà nø vgwé lap svng dø̄nge,” a:lòe. f10 Yehowaí Sodom nvng Gomora mvrìngní svng shini màshvmá:ngò dvgvp í nø, Zoar kaq svng di we Yordan vdv́m rvyang shvngbe nø, Yehowa kùlwàng í dv̀ngwa Ejip móng døni kayv́ng màyv́ng tì luq we svng Lot kāngngángshì nø yà:ngòe. g11 Wekvt Lot nø Yordan vdv́m rvyang shvngbe svng rvcv̄ngshì nø, nv̀msv̄r lap svng shøt mvnshì yà:ngì. Weyv́ng kèní angní wv̀ng nø takaq vkāng yà:ngì.12 Abram mv̀ng nø, Kanan móng taq v́ldv̀ng wae. Lot nø vdv́m rvyang wamàrì taq v̄l nø, Sodom wamà rvgaq høqnī ang shìyatrì kup mv̄nshì yà:ngì. h13 Iwe, Sodom wamà vsvngrì nø mvgv̄m màshvla vsvng í nø, Yehowa svng vtù we mvrà vtv̄ng wàòrì dvchǿng í yà:ngì. iYehowaí Abram svng dv́nāò we14 Lot nø Abram kèní rv́lshìá:mì mèpvng, Yehowaí Abram svng yadø v̄l yà:ngà. “Nà kāng èngángshì nø, nà èv̄l zàng kèní, tvnūgo kaq, tvnuni kaq, nv̀msvr kaq nvng nv̀mløp kaq svng gø dèjaqò. j

15 Kadø íe wani akvt nàí èyà:ngò we rvgaq shvngbe nø dvciq lvpat høq Ngàí nà svng gø, nà pvlí pvlaqrì* svng gø zíìe. k16 Nà pvlí pvlaqrì gø, vbā dvtø̀l døni vzíng dvzv́rlv́m íe. Vsvng tiq gǿgǿí lā vbā dvtø̀l svng rø̄ dá:ngò pà í nìnø, nà pvlí pvlaqrì svng gø rø̄ dv́ng lú:ngòe. l17 Ebúng, rvgaq yalòng kadv́ngte yv̄ng we nvng kadv́ngte gwaq we svng nàriqá:mò. Kadø íe wani Ngàí rvgaq yalòng nø Nà svng zø̄nge,” a:lòe.18 Wekvt Abramí nø ang shìyat vcí:lò nø, Hebron rvgaq vl we Mamre yv́ng vbè shǿngsá shvnvngø v̀l yà:ngì. Weyv́ngø gø a:ngí Yehowa dvpvt núngpà shvrúngrà tiq lòng vrv̄ng yà:ngà.