Afghanistan Móngdàn nø Fatima medò kaq dvlè bøà we svng shá dvzvr we.

Afghanistan Móngdàn nø Fatima medò kaq dvlè bøà we svng shá dvzvr we.

Afghanistan Móngdàn nø Muslim té mvlòng nøqngøm nø vlwe móngdàn íe. Wedø (2017) nøng høq we móngdàn taq rvsvngcè wawe Cotholic Svsana Shvngømré tiqlòng wa vlwe ínìgø, Afghanistan Móngdàn svng Fatima medò wawe bøng dvgùng zíyvng ngà we íe. Kàpvn írvt wa nì, móng lvmang nø nvnggùn yúmwe sòtyut we rvtø írvt íe. Jøngjøng we rvtø taq Kahtolic shvngømré vsvng tiqgø' gø shìni mv-vlwe ínìgø (1993) nøng taq Italy dànyúng wang vdúng rvmyvng nøqngøm zùng wálún yv:ngà we íe. We nøqngøm chøm nø Afghanistan Móngdàn yvng tuqrawe Kahtolic shvngømré vsvng rì dvpvt vdè Shvngømréò tóng kū Gvrày kaq nøqngøm lúnlvm dvpvt íwe dø, Afghanistan móngdàn Cømsaq mòngzvl lvm dvpvt vjúrøt dvzaq shìwe íe.
 
2017 nøng taq Carbole wamà taq ngól dvgòng vlwe medò nøqngøm chøm tiq zùng waò nø shvrúng shú Fr. Giovanni Scaleseí shølò nø Afghanistan móngdàn mòngzøl lvm dvpvt Fatima medò nvng svnsing we medòò nvrøm taq kèní dvzøm dvbvng lúnlvm vjúrøt rìpòng gvbà waò nø kàgvp núng dvle lún bøà we íe. Móngdàn vdòng mónglvmvng yatwe rvtø taq Shvngømréò kámnønt tvrà dang taqkèní tiqpvn pvn dang ang mvtú mvngá lúnò we íe. We nøng nø fatima medòí a:ngò góng dvtvn shìwe (100) nøng vhøm we Juballee nøng gø íe. We dø angnøng vhøm we angnī rvtø taq Afghanistan móngdan svng Kàngpè Yesuò angmè kaq vjúrøt apnúng dvle lún bøà we íe. 
 
Afghanistan nø Cildvp dang nvnggùn yúmwe írvt vjúrøt we dang taq kèní jòl Lúnlvm kám we íe. Russia Soviet nvnggùn yúmwe ínìgø kàngpè Yesuò angmè María svng vløm shìnø dvlèò rvt gvza màle we rvtø taq balìn shìni mvsúm kè gvza nvnggùn vlwe Soviety Russia nø krvt súm bøì we íe. Fatima taq maria nø ang góng dvtvn shìwe rvtø vjúrøt dvlèò we rvt móngdàn cømsaq mòngzvl we svng lún bøà we íe. Russia móngdàn vling pò lvm dvpvt fatima medò svng vjúrøt dvlèò nøtlíng shìnø shvlá vrvm nvmlvt Lvbán taq kømzøp we Yesuò shagóng svng vm nø vtòlvm dvtú shìdø cvnwe ínìnø, Russia móngdàn nø Jøngjøng nì vling vpo lùngè. Cømsaq mòngzvl lùnge, wa Kàngpè Yesùò angmè Mari í, vyvng roqshúcè (3) gø svng dvtvn shì bøì we íe. We mèpvng Marií Rvsvngcè gø' vrvmsvng rosvri vjúrøt lvm dvtú bøà we íe. Wedø vjúrøt we nvng tiq dvchá Mariqí nø Mònggvn svng gvyaq lvm dvzaq shìwe ngànshà rìí cvrè dvkøt we dang taq lutshinø jòl lvm ílò:nge wanø shvngøt we íe.