Angbøt angshv́r vshú mvdaq we

Angbøt angshv́r vshú mvdaq we

14 Wekvt Yohan coqcv́nrì Yesu yv́ng dì ráì nø, “Nøngmaq nvng Farisirì nø, v́mpà màv́mv́m angkvtkvt vnatshàì we; Nà coqcv́nrì nø v́mpà màv́m la mànatshìni, pawá í ma?” wa rø:tnòe. hi 15 Yesuí angmaq svng, “Zvmì kùng taq lvngàshv́rpè* shini vl dvgvp bóy mvnv́mrì nø rvyú vdu ma? Iwe, lvngàshv́rpè svng nø angmaq yv́ng kèní lù bǿò we angni tuq rāe. Wekvt mv̀ng nø, angmaq gø màv́mv́m vnatshì rà longe. j 16 Bèlaq bøt svng laqtūnpuq angshá:rí dvcēshì we kagǿ gø màvl. Pàwálv́m wani dvcē bǿà puqí bèlaq dùng svng rv́nkéò nø, dvshàshà hwánglap díngvme. k 17 Vrá, bìmtì angshv́r gø, shāce yǿngkoq angbøt taq zá:ngò vsvng màvl. Mø̀í nìnø shacē yǿngkoq buqv̄m nø, bìmtì gø vupmv̄me; shacē yǿngkoqrì gø vcatnv̄me. Iwe bìmtì angshv́r nø, shācē yǿngkoq angshv́r taq èzá:ngò kvt wa vní pv̀npv̀n mvtìnvm,” a:lòe.