Cá:ngí dvrū we lvngàsvré dvba:nò we

Cá:ngí dvrū we lvngàsvré dvba:nò we

37 Mèpvng ni, angmaq nø shìgùng kèní shúngshì daqì dvgvp, vsvng loksok tiq mvdòí Yesu svng vhǿma:tnà. r 38 Vsvng loksokrì taqkèní tiq gǿ vkiq nø, “Svra pèá, ngàcè lòngzà pè svng èyv́ngāngà, wvng røtshø̀nge. 39 Eyà:ngò, cá:ngí timkéa:tnò dvgvp, ang serwa vkiq long nø, tølpup shùshù wa høq ang svng rùlkéò nø, gvzà dvshà mvhøt dvzá:rò dá:ngí wa lúshivme. 40 Ngàí Nà coqcv́nrì svng cáng lúngālv́m røtnò nø̀nggø, angmaqí lúng mvdá:ngò,” a:lòe. 41 Yesuí vtà:ngò nø, “Kv́mnøt mèv̀lnø̀ng nø shengarshìnøng we mvril cèrìé, Ngà nø kadvgvp høq namaq nvng v̄l nø tø̄naìnī ma? Nvcè pè yayv́ng èshøla:tnò,” a:lòe. 42 Lvngà svré pè shøla:tnà la:ngí gøni, cá:ngí ang svng timkéa:tnà nø rùlkéòe. Iwe Yesuí mvmv́ng cáng kaq ngvndv̀ng lvngàsvré pè dvbān bǿà nø angpè svng tvlēòe. s 43 Wekvt angmaq shvngbe nø vháng vtv̄ng Gvray jórnònggùn svng dádv̀ng wae. Yesuí wà bǿà we bv̀nlì svng vsvngrì dvdáshi dvgvp, A:ngí Ang coqcv́nrì svng, 44 “Ngàí shø̀nò kà yalòng namaq vnà taq shvlá dv̀ngwa ètánø̀ng: Vsvng Angcè Pè nø vsvng wur taq shvtlv́m tvle bǿòe,” a:lòe. t 45 Iwe yalòng nø angmaq kení vmáshaq í rvt nø mvcíng mvrà:lò. Angmaqí mvcí:ngò nìgø rá wekà lvjøm nø røt mvkā:mò.