Chø̀m wàò kàshvbóng

Luka 6:43-49

Kadø íe wani shǿng shvlá tiq tø̀ng nø angshí mvgv́m shí we màvl. Vrá, shǿng mvgv́m tø̀ng kèní gø shǿngshí shvlá shí we màvl.

44 Kapv̀n shǿng ínìgø angshí taqkèní sháshì we íe. Bv̀nghǿ póng kèní nv̀mgwè shí røpmv́m mvlúnshì. Bv̀nghǿ mvbø̄n kèní gø bìmshí røpmv́m mvlúnshì. 45 Vsvng shvlá gǿí nø, ang nøt vdòngø shøpmò we shvla lòng taqkèní shvla pv̀n shv̀l lú:ngòe. Vsvng mvgv́m gǿí gø ang nøt taq mvgv̄m lòng kèní mvgv̄m pv̀n shv̀l lú:ngòe. Kadø íe wani nøt taq dv̀n vshøt pv̀n kèní ni ang nònggø:pmí shø̀n lú:ngò we íe.

 Chø̀m wàò kàshvbóng 46 Namaq nø pàwálv́m Ngà svng, ‘Vkàngpèá, Vkàngpèá,’ wa gó ègōshà nø, Ngàí shø̀nò dø mèwànøng ma? y 47 Ngà yv́ng svng di rā nø, Ngà kà tá bǿò dá:ngí, cv́n dø̄ng vsvng wegǿ nø kadø í vsvng nvng vbóng we Ngàí dvtāna:tnìni. 48 Wegǿ nø mvpv̀ng angké rvnaq dø dùò dá:ngí, lóngtv́ng mvdv̀m kèní vrā:ngò nø, chø̀m wáshì vsvng nvng vbónge.

Tì tø̀ng lú:ngì kvt, tì lv̀nggù:ngí wechø̀m svng vpuqò we ínìgø, ngv̀ngngv̀ng vrv̄ngshaq í rvtnø púl mvdá:ngò. 49 Ngà kà táò dá:ngí mvcv̀n vsvng wegǿ nø, mvpv̀ng angké màrv̄ngshaq vbā mvdv̀mø chø̀m wáshì vsvng nvng vbónge.

Wechø̀m svng tì lv̀nggù:ngí vpuqa:tnò kvt, cē vtúng nø angshī vrø̀mv̄me,” a:lòe.