Dvchap mvdaq we

Mati 5:27-32

Vsvng svma dvchap mvdaq,’ wà yà:ngì kà namaqí vtáshaq íe. v 28 Wedø ínìgø Ngàí namaq svng v̄la:tnìni. Kagǿ ínìgø svmaré tiq mè svng láshì mvyǿ nø:tní dvjaqò gǿ nø, nøt vdòng taq wemè nvng dvchap we tō wà bǿà we íe. w 29 Nà vbàng nēí nà svng vtøp dèzv́r nìnø,* èkù:nò nø ègū:rò. Nà góng taqò dvgv̀ng tiq lòng vmvng lòng nø nà góngkøp zùpvng móng svng ègur bø lòng mvdv̀m té shvlāe. x 30 Nà vbàng wū:rí nà svng vtøp dèzv́r nìnø, bvt ètu:tnò nø ègū:rò. Nà góng taqò dvgv̀ng tiq lòng vmvng lòng nø nà góngkøp zùpvng móng svng ègur bø lòng mvdv̀m té shvlāe. 31 Wedø wa mvtaq, ‘Kagǿ ínìgø ang chø̀mmè svng gū:rò gǿ nø wemè svng gur we kàru laq zíò,’ wà yà:ngì kà gø v̄le. y 32 Iwe, Ngàí namaq svng v̄la:tnìni. Kagǿ ínìgø, mvmv́ng mvshèr wàò rvt wā mø̀íni, ang chø̀mmè svng gū:rò nø, wemè nø dvgá tiq pè nvng shvzøngshì bø nìnø, ang svng dvchap mvrà wá dvzá:rò we íe. Svmaré wemè nvng shvzøngshì pèí gø dvchap mvrà wàò we íe.