Dvgá mvshǿl angpvnpvn

Nøngmaq Chv́ng Kàngpè Gvray nvng nøngmaq nøt vlǿmshirà èíāì pè Kristu Yesu dvkv́mkà taqkèní Kristu Yesu Ang dvzv́r ǿngà pè Polo ngàí nø,  kv́mnøt tvrà taq ngàcè jǿngkvp èí we Timoti nà svng shvrikàru vrongvtnòe. Vpè Gvray nvng nøngmaq Vkàngpè Kristu Yesu yv́ng kèní jejú nvng dvsházānøt nvng mòngzø̀l lòng leq lú:nò. Ngà svng shaq dèkv́ng we Kàngpè Yesu Kristuí ngà svng nàlǿmvm nø, Ang bv̀nlì wàlv́m rèhøk yv̀ngà rvtnø Ang svng oqà wvnge.  Vzv̀ng ngà nø Yesu bø̀ng svng shvyǿmkà shø̀n nø shvngø̀mré kaq vréshú nvng vzø̀m nv̀mpv̄n vkv́mshì pè wv́ngshø̀ng yv̀ngà nǿng gø, mvkv́m nø mvshángò dvgvp wv̀ng yv̀ngà rvtnø, dvsházā we ngàí lúnòe.  Vrá Kristu Yesu vdòng taq kv́mnøt nvng shóngnøt nvng Vkàngpè jejú nø, ngà dvpvt vché vzut dø dèzǿngāng bǿngà.

 Wemvdv̀mø A:ngí kàshvbóng kèní rá angmaq svng a:lòe. “Nemaní nø nēmànrì svng tvrà shø̄l ngu:tnòe ma? Wedø shø̄:lò nìnø vní gǿgǿ dv̀ngkø̀r taq màjav̄m ni ma?  Coqcv́n gǿ nø ang svng shvngøtshú gǿ mvdv̀mø rīng we mø̀í. Kø̀mgøm cv̄n dv́ngshi bø vsvng kagǿ gø, ang svng shvngøtshúpè dv́ngte wa í longe.  Nvnvm nvchvng gǿ nē taq v̄l we bv̀lcì svng nø èyà:ngò nø nà nē taq vl we shǿngdø̀m svng nø rá mèyv́ngshi ma?  Nà vne taq v̄l we shǿngdø̀m svng dv́ng nà mèyv́ngshi ke, nvnvm nvchvng gǿ kaq, ‘Vnvm pèá, nà nē taq zv́ngshì we bv̀lcì lòng lóngangvtnø̄ng,’ wa nø kadøwa shǿn shvla ni? Nøt vnínøt ècà:nò gǿ nàá, nà vne taqò shǿngdø̀m lòng vzv̀ng èlúshi; wedá:ngí wa nvnvm gǿ ang nē taqkèní bv̀lcì lòng lúālv́m nàí shàn wa èyv̀ng lú:ngòe.