Dvrá lòng nø cv̀mré koqlu dø í we

Galatia 3:22-29

Iwe akvt nø, Yesu Kristu taq kèní lú:nò we dv́nkà nø kv́m vsvng rìí kv́mnøt kèní lúnlv́m rvt, vl dv́ngte shvngbe svng nø mvrà lv̀ngpvngø vróngshaq íe, wa Shànshér Kàru taq dvsha:ngòe.

 Dvrá lòng nø cv̀mré koqlu dø í we 23 Wedø í nìgø kv́mnøt tvrà shini mvtuq daq vzv̀ng kaq, nøngmaq svng nø dvrá lòng lv̀ngpvngø nàdv̀ngkéì nø, mèpvng dvtána daq we kv́mnøt tvrà mvtuq daq dv́ngte vróngshaq í yv̀ngshà.

 24 Wedø í rvtnø kv́mnøt à:lì yv́ng kèní nøngmaq svng døngman we dvdutnalv́m dvpvt, Kristu yv́ng svng nøngmaq dvtuqlv́m shvngøt dvtúshú koqlu nø Dvrá lòng í yà:ngì. 25 Iwe, akvt kv́mnøt tvrà tuq daqì yv́ng kèní nøngmaq nø akvt kèní kukaq koqlu lv̀ngpvng màv̀lv́mshà. o 26 Kadø íe wani Kristu Yesu svng kv́mnøt èvlnø̀ng yv́ng kèní namaq shvngbe nø Gvray angcèrì èínø̀nge. p 27 Pàwálv́m wani Kristu vdòng svng gònglv́m tìløp èløpshi bǿshà dv́ngte namaq nø, Kristu svng bèlaq dø vgwashìshaq èív́mshà.

 28 Namaq shvngbe nø Kristu Yesu vdòng taq tiq pv̀n wa èív́mshà. Yuda vsvng gø, Heleni vsvng gø, vshuq gø shvlutshaq pèjøng gø, svmaré gø, lvngàré gø, rvwìnglv́m màvl.

29 Namaq nø Kristuò èínø̀ng kvt kèní nø, Abraham ang pvlí pvlaq gø èínø̀ng nø, dv́nkà taq wa dø tiqdvchá, zaqshøp vpvt vsvngrì èínø̀nge.”

 

 

Add new comment

1 + 0 =