Dvzv́r rìò gønpaq

Mati 19:23-30 Mvgàm rvzaq we

Wekvt Yesuí coqcv́nrì svng, “Ngàí namaq svng jø̀ngjǿng v̄la:tnìni, mvgàm tiq gǿ muqlàng móngdàn svng gònglv́m nø vtv̄ngshaq rvzaqe.24 Ngàí vrá v̄la:tnìni, mvgàm tiq gǿ Gvray móngdàn svng gònglv́m lòng nø Golawu tiq go còngmè shvnī hwáng taq léshìlv́m lòng mvdv̀m té rvzaqe,” wae.25 Kà yalòng coqcv́nrìí tá bǿà kvt, angmaq vtv̄ngkèní dàá:mì nø, “Wedø í nìnø, gø̀nshaq nø kagǿí lún daq ma?” wae.26 Yesuí angmaq svng dvjaqò sórí, “Vsvng dāng kèní nø wá mvngutshi. Gvrayí nø pà gø wá dá:ngòe,” a:lòe. r

Dvzv́r rìò gønpaq

27 Wekvt Piter vtv́ngshì nø Ang svng, “Eyà:ngò, nøngmaqí nø v̄l dv́ngte cā la:ngì nø Nà mèpvng cà:nì we íe. Ini nøngmaq dvpvt pà èv́lā dáì ma?” a:lòe.28 Yesuí angmaq svng, “Ngàí namaq svng v̄la:tnìni, Ngà mèpvng ècv̀nshà rì namaq nø, í dv́ngte svng angshv́r dvcøp vdv́ng daqò rvtø̀ taq, Vsvng Angcè pè Ngà nø brìmbrìm shór dvgùng vl we koqkv́m rúngtv̀ng taq rūng dak dvgvp, namaq gø welòng døni koqkv́m rúngtv̀ng tiqcé vní lòng taq èrúngnøng nø Israel tiqcé vní dvgø̀ng svng kà rèwvna lóngnønge. s29 Ngà bø̀ng dvpvt, chø̀mrì, angnv̄m angchvngrì, angpè angmè, angcǿ angcèrì nvng rvmá rì la:ngò gǿ nø, angyá dvtv̀ng lú:nò nø, wemvdv̀mø dvciq lvpat gø̀nshaq gø lúnlv́m íe. t30 Iwe, nv̀mlat rì mv̀ng nø, lv̀ngdø̀m rì ív̄me; lv̀ngdø̀m rì nø nv̀mlat rì í longe.”