Ejip móng svng yilshìá:mì we

Mati 2:13-18 Ejip móng svng yilshìá:mì we

 Angmaq loá:mì mèpvng, èyv̀ngnø̀ng, Vkàngpè Ang dvzv́r tiq gǿ, yøpnv́ng taq Yosep svng dvtánshì nø, “Ekūngshì; cv̀mré pè nvng angmè èshø:lò nø Ejip móng svng èvtshìv́mnøng. Ngàí nà svng vrá màdvtáng dak dv́ngte nø weyv́ng v́ldv̀ng èwànø̀ng. Kadø íe wani Herodní cv̀mré pè svng láò nø shvmv́nglv́m dá:nòe,” a:lòe. e 14 Wervt Yosep chàng kungshì nø, yaqdø̀:ngí cv̀mré pè nvng angmè shø:lò sórí, Ejip móng svng búngá:mì nø, 15 Herod shìá:mì høq wervgaq v́ldv̀ng wae. Yalòng nø Vkàngpèí kàdvtutshú pè taqkèní, f “Ngàcè pè svng nø Ejip móng kèní Ngàí gong bǿngà,” wa shø̀n yà:ngà kà dvhø̄:mò we íe.

Betlehem cv̀mrérì sha:tnò we

16 Wekvt Meji rìí ang svng tì mvlá:nò we svng Herodní dǿm bǿà kvt, vtv̄ngshaq shv̀mná vcōr lú:ngì nø, Meji rì kèní tøpni tøprang vrøtshaq rvtø̀ svng su:nò sórí vsvng dvzá:rò nø, Betlehem mvrìng nvng we gùrhø̄m shvngbe taqò vní nǿng kèní pv̄ngkaq lvngà svré í dv́ngte svng sha:tnòe. 17 Yalòng nø kàdvtutshú Yeremia taqkèní shø̀n yà:ngà kà vhø̄má:mì. A:ngí shø̀:nò we nø, g 18 “Ungūng dvdǿrshi nø rv̀ngshvng wa we shaq, Rama mvrìng taq ngøkà táshìe. Rakel nø angcǿ angcèrì dvpvt ngø̄ we íe. Angcèrì màv̀lá:mì rvtnø, nøt shvlø̀m we svng gø a:ngí màtōò,” wae.