Gvray dvbùshvng bvnlì taq mà dvdamshì we tvràrì svnggø dí vduwe dang dvkám we.

.

Gvray dvbùshvng bvnlì taq mà dvdamshì we tvràrì svnggø dí vduwe dang dvkám we.

Svrabín koqkámpè Francis taqkèní dvkám we taq dvzvŕ Poloí vru yàngà we shvngøt kàrurì kèní dvkám nø dvtú bøà. Gvray dvbùshvng bvnlì wàlvm dvpat dvzvŕ polo nø kadø vlíng vpo nø dvzaq shìyàngì we svng cvnshì shvlawe dang kèní nvngòn ziwe íe

Dvzvŕ Poloò dvzvŕ bvnlì Galatia lèga rìtaq yánglúnshìwe dvzvŕ polò àngò dangrì taq Galatia vsvngrì nø we dvgvp Anatolia rvgaq, Ancyra ( vkvt Durvgi móngdàn Ankara) rvgaq taqø vlyàngì we dang vru shaq íwe svng yánglún shìe.

Dvzvŕrì 16:6 taqgø Polo nvng ang lamboqrì svng Shànshér Pvlàcèí Asia móngwál taq mòngkà dvshvng màdvzá:rò rvtnø, angmaq nø Frigia nvng Galatia móngmóng chàng dìá:mì. Wanø vrushaq íwe svng yánglún shìe.

Gvray dvbùshvng bvnlì walvm wawe nø vdèò shvrúng nøt taqwa cvnwe mø:í nø àngdèí mà dvdamshì we tvrà taqgø dí vdu we svng shvdøm we íe. Dvzvŕ Polòí àngò Gvray dvbùshvng bvnlì kèní Galatia rvgaq taqø shvngømré mvdòrì svng vrang ráà we íe.

Vránø dvbùshvng bvnlì rì taq nøtbum ràwe dangrì vle wanø vtànvtnà we íe. Dvbùshvng bvnlì wawe nø kàngpè yesuí gvlráà we bvnlì mvtú svng vrá ya bat taq vrá dvtut ríshì we svng shøn mvyø we íe.

Yalòng nø cipshìwe nøt taqkèní àngnvm àngchvngrì wawe nøt gvlshìnø dvzaq dvkángshì we kèní jòrwe tvrà svng diwe íe wae. Shvnshér pvlà cènø mvril vrvm taq zángshìnø bvnlì wawe íe wanø Svrabín koqkámpè Francis taq kèní dvkám we íe.