Gvray Dvbu Mongka

Ngàí rá namaq svng v̄la:tnìni, vsvng mv́rdv̀ngø Ngà svng nàchàng gǿ svng nø, Gvrayò muqlàng dvzv́r rì mv́rdv̀ngø vsvng Angcè Pè Ngàí gø wegǿ svng vchànglv́m íe. 9 Vsvng mv́rdv̀ngø Ngà svng mènàchàng gǿ svng nø, Gvrayò muqlàng dvzv́r rì mv́rdv̀ngø Ngàí gø màchàng lóngò. e 10 Vsvng Angcè Pè kaq vtù we kà shø̀n gǿ svng nø chutna lúnshìe. Inìgø, Shànshér Pvlàcè kaq vléò we kà shø̀n gǿ svng nø chutnā mvlúnshì. f 11 Vrá Vsàngí namaq svng júrøt chø̀m rì taq, vgo zǿmshúrì nvng vmíng vkv́ng v̄l rì mv́rdv̀ng svng èshv̀l bǿnøng dvgvp, kapà vtv́nlv́m nvng kadø shǿnshìlv́m wa nø góng mèginøngni. g 12 Kadø íe wani wervtø̀ taqni namaq kadø shø̀nlv́m kà nø Shànshér Pvlàcèí shèngøt daqnø̀nge,” a:lòe.