Gvray Dvbu Mongka

Ngà dvkv́mkà svng vtoò nø̀ cv̀n gǿ nø, Ngà svng èshòng gǿ íe. Ngà svng èshòng gǿ svng nø, Vpèí gø shù:ngòe. Ngàí gø ang svng shòngò nø, Ngà vdè gø ang svng dvtánshìlv́m íe,” a:lòe. o 22 (Iskariot pè mø̀í we) Yudaí Ang svng, “Vkàngpèá, kadø í rvt Nà góng nø rvgaq svng màdvtánshishaq nøngmaq svng wa dvtánshìlv́m èwa ma?” a:lòe. p 23 Yesuí vtá:nò nø, “Ngà svng èshòng gǿ kagǿí gø, Ngà kà svng cv̀n lú:ngòe. Vpèí ang svng shù:ngò nø, Ngàní pè nø wegǿ yv́ng di daqshì nø, ang nvng v̀llv́m íe. q 24 Ngà svng mèshòng gǿ nø, Ngà kà svng gø mvcv̀n. Namaqí ètánøng we kàrì nø Ngà kèní mø̀í, Ngà svng dèzv́r dakngà pèò kà íe. r

25 Yadv́ng pv̀n nø, namaq nvng shini à:lì dvgvp Ngàí dvtá bǿshà. 26 Iwe Vpèí Ngà bø̀ng taqkèní dvzv́rlv́m dá:nò we nøt shvlǿmshú Shànshér Pvlàcèí namaq svng shvngbe shèngøtnvtnøng nø, Ngàí namaq svng dvtá bǿshà rì í dv́ngte gø dvdv̄m rǿn dèzv́rvtnønge.