Gvray Mongka Nx Galong ie

Wednesday, July 03, 2019

Gvray Mongka Tiq Tut Efesus 2:19-22

Wervtnø̀ akvt kèní kukaq namaq nø, wv́ngzà nvng zaqlè mèínøng; Gvray bashà rì nvng tiqdø móngzø̄ngcè èínøng nø, Gvray chø̀msvngrì èínønge. Vrá, dvzv́rrì nvng kàdvtutshúri chø̀m àngké mvdv̀m taq vrv̄ngshaq èínø̀nge. Kristu Yesu ang mv̀ng nø, wechø̀m górtong mvdø̀ng lóngchv̀ng ínø̀, Chø̀mkøp nø wechv̀ng taq shvráò yv́ng kèní Shànshér Tø̀ngnø tiq chø̀m í long høq Kàngpè vdòngø te long we íe. Shanshér Pvlàcè taqkèní Gvray v́lrà chø̀m í lún høq namaq svng Kristu vdòng taq nàrvng bǿshà we íe.

John 20: 24=29

Iwe Yesu weyv́ng di ráì dvgvp, tiqcé vní pè taqkèní Didimu tǿò we Toma nø angmaq nvng tiqdø màvl. Wervtnø̀ dvgá coqcv́nrìí ang kaq, “Vkàngpè svng nøngmaqí yv̀ng bǿshà,” a:lòe. A:ngí angmaq svng, “Ang wur taq shv̀mshi dv̄mmá yv̀ngò nø, dvmmá taq ngà wurhàm màrvzǿngshøng dv́ngte, Ang svràmpa dvmmá vdòng svng ngà wu:rí màmvnokngò dv́ngte nø, kadø ínìgø ngà mvkv́m,” a:lòe. Tiq nár mèpvng,* coqcv́nrì nø chø̀m vdòngø vrá mvngushi ke, Toma gø vbáe. Bv́ngkà gø kvlaqshaq yv́ngø, Yesu nø angmaq dvhø̀ø zvng rip ráì nø, “Mòngzø̀l lòng leq lúnnøng,” a:lòe. Wekvt Yesuí Toma svng, “Nà wurhàm èzúshi ra nø, Ngà wur svng èshupmà. Vrá nà wur èzúshi ra nø, Ngà svràmpa mènokngà, màkv́m mèwáshìni, èkv́m,” a:lòe. Tomaí vtá:nò nø, “Ngà Vkàngpè nvng Ngà Gvrayé,” a:lòe. Wervtnø̀ Yesuí, “Nàí nø Ngà svng èyv̀ng bǿngà rvtnø wa èkv́me ma? Mvyà:ngò nìgø kv́mrì angmaq nø ìshøt ìgv̀n v̄le,” a:lòe.o