Kùya gún tvràí Yesu vlø:tnò we

Kùya gún tvràí Yesu vlø:tnò we

13 Wemèpvng, Yesu svng Angkà kèní shvwá lúnlv́m dvpvt, angmaqí Farisirì nvng Herod mvdò kèní vsvng tiqmaq Yesu yv́ng svng dvzá:ròe. ef 14 Angmaq tuq ráì kvt Ang svng, “Svrapèá, Nà nø dìng we kà wa èshø̀n we gø, Nàí vsvng mv̀rshv̀m svng mèrèwì:ngò, Gvray tvrà døngdøng wa shèngø:tnò we gø, kagǿ svng gø mènàna:tnò we gø nøngmaqí shá bǿshà. Kesar svng kùyà gún lòng nø dvráe má, màdvrá ma? 15 Nøngmaqí kùyà gúnaì ni ma?, mvgúnaì ni ma?” a:lòe. Iwe, angmaqí vní nøt nø:tnò we svng A:ngí sháò rvtnø, “Ngà svng pàwá nàløtshàe ma? Ngà svng gv̀msùng tiq gø̀m dètanvtsha,” a:lòe. 16 Angmaqí gv̀msùng tiq lvp tvlea:tnà kvt A:ngí, “Vsvng hāng nvng mvdv̀m vrūshaq kà yarì nø, kagǿò íāò ma?” a:lòe. Angmaqí Ang svng, “Kesarò íe,” a:lòe. 17 Wekvt Yesuí angmaq svng, “Kesarò rì nø Kesar svng, Gvrayò rì nø Gvray svng nàtv́nganøng,” a:lòe. Weyv́ng kèní angmaq nø Ang svng gvzà dàá:mì.