Kanan mè angcè mè dvba:nò we

Gvray Mongka Tiq Tut

Dvcìrø 13:1-2,25-14:126-2934-35

Wemèpvng Yehowaí Moshi svng a:lò we nø,  “Israel dvcì cèrì svng Ngàí zǿngò we Kanan móng svng dvjv̀mlv́m dvpvt, nàí vsvng dèzá:rò. Dvgø̀ng vrv̀m taqkèní shølshú tāgǿ dvzv́r ràe,” a:lòe. Vbìcé ni mèpvng nø móng dvjv́mshúrì vtv́ng daqì.Wekvt angmaq nø Paran rvgaq mvgung Kadesh yv́ng tuq ráì nø, Moshi ó Aron nvng Israel shìwà mvngpòng cèrì shvngbe mv́rdv̀ngø angmaqí dvjv̀m bǿà tvrà dvsha:ngòe. Wemóng kèní baqa:tnà we shǿngshí rì gø angmaq svng dvta:nòe.  Angmaqí Moshi svng yadø dvsha:ngòe: “Nàí dvjv́m dèzv́rshà móng svng nøngmaq tuqv́mshà. Jø̀ngjǿngni nōngtì nvng kwátì vyø we móng í dá:rì. Yala! yarì nø wemóng shǿngshí rì íe.  Wedø ínìgø, wemóng taq vl vsvng rì nø nònggùn gvzà kv́nge. Wamàrì gø gvzà tē nø shvngv́ngshaq íe. Wemvdv̀mø, Anak dvcì cèrì gø wemóng taq vl we nøngmaqí yv̀ng ráshà. Negep rvgaqtaq nø Amalek vsvng rì v̄le. Hiti vsvng rì, Yebusi vsvng rì nvng Amori vsvng rì nø shìgùng móng taq v̀l dá:rì. Kanan vsvng rì nø, nvmukdvra shvnvngø gø, Yordan tìwàng tv̀ngø gø v̄le,” a:lòe. Wekvt Kalebmí Moshi mv́rdv̀ngø bashàrì svng dvzø̀:lò nø, “Lò! Nøngmaq ngā:ngì nø, móngdàn welòng angkàng wáshìá:mì. Kadø ínìgø nøngmaqí dv́ngké íe,” a:lòe.  Inìgø, ang nvng tiqdø dia:pmì rì nø, “Nøngmaq nø vsvng wedv́ngte svng vtú mvjò:rì; kadø íe wani angmaq nø nøngmaq mvdv̀mø té nònggùn kv́nge,” wae. Wervt angmaqí dvjv̀m bǿà móng dāng Israel cèrì dvhø̀ taq angmaqí kà mvgv́m dvshā:ngò nø, “Nøngmaqí dvjv̀m bǿshà móng nø, wemóng taq vl vsvng rì gø dvbé kéò we móng í dá:rì. Wemóng taq v̄lrì nø svngté wawa í dá:rì. Nefilim vsvng rì gø wemóng taq vl we yv̀ng ráshà. (Anak dvcì cèrì nø Nefilim cèrì yv́ng kèní vzìng daqì we íe.) Nøngmaq nø angmaq mv́rdv̀ngø cóngkut dø wa vshá:mì nø, angmaqí gø nøngmaq svng wedøni dèdu:tnie,” a:lòe
Wekvt angmaq nø Paran rvgaq mvgung Kadesh yv́ng tuq ráì nø, Moshi ó Aron nvng Israel shìwà mvngpòng cèrì shvngbe mv́rdv̀ngø angmaqí dvjv̀m bǿà tvrà dvsha:ngòe. Wemóng kèní baqa:tnà we shǿngshí rì gø angmaq svng dvta:nòe.Angmaqí Moshi svng yadø dvsha:ngòe: “Nàí dvjv́m dèzv́rshà móng svng nøngmaq tuqv́mshà. Jø̀ngjǿngni nōngtì nvng kwátì vyø we móng í dá:rì. Yala! yarì nø wemóng shǿngshí rì íe.  Wedø ínìgø, wemóng taq vl vsvng rì nø nònggùn gvzà kv́nge. Wamàrì gø gvzà tē nø shvngv́ngshaq íe. Wemvdv̀mø, Anak dvcì cèrì gø wemóng taq vl we nøngmaqí yv̀ng ráshà.  Negep rvgaqtaq nø Amalek vsvng rì v̄le. Hiti vsvng rì, Yebusi vsvng rì nvng Amori vsvng rì nø shìgùng móng taq v̀l dá:rì. Kanan vsvng rì nø, nvmukdvra shvnvngø gø, Yordan tìwàng tv̀ngø gø v̄le,” a:lòe.  Wekvt Kalebmí Moshi mv́rdv̀ngø bashàrì svng dvzø̀:lò nø, “Lò! Nøngmaq ngā:ngì nø, móngdàn welòng angkàng wáshìá:mì. Kadø ínìgø nøngmaqí dv́ngké íe,” a:lòe.  Inìgø, ang nvng tiqdø dia:pmì rì nø, “Nøngmaq nø vsvng wedv́ngte svng vtú mvjò:rì; kadø íe wani angmaq nø nøngmaq mvdv̀mø té nònggùn kv́nge,” wae. Wervt angmaqí dvjv̀m bǿà móng dāng Israel cèrì dvhø̀ taq angmaqí kà mvgv́m dvshā:ngò nø, “Nøngmaqí dvjv̀m bǿshà móng nø, wemóng taq vl vsvng rì gø dvbé kéò we móng í dá:rì. Wemóng taq v̄lrì nø svngté wawa í dá:rì.  Nefilim vsvng rì gø wemóng taq vl we yv̀ng ráshà. (Anak dvcì cèrì nø Nefilim cèrì yv́ng kèní vzìng daqì we íe.) Nøngmaq nø angmaq mv́rdv̀ngø cóngkut dø wa vshá:mì nø, angmaqí gø nøngmaq svng wedøni dèdu:tnie,” a:lòe
Namaqí móng welòng svng vbìcé ni dèjv̀m bǿshà dø tiqdvchá, tiq ni dvpvt nø tiq nǿng, namaq mvrà rvt vbìcé nǿng døp dvshá ràe. Wekvt wa Ngàí namaq svng vtùì lòng nø kadv́ngte rvzaq we namaqí èshá lóngnønge.  Ngà svng pō vtùlv́m mvngūshì we shìwà mv̄ngpòng mvgv́m yarì shvngbe svng Ngàí jø̀ngjǿng yadø wàlv́m íe, wv̀ng bǿngà døni, angmaq svng nø rvgaq mvgung yamóngø vmv́ng dvzv́rlv́m íe. Angmaq nø yayv́ngø ni shí ràe,’ wae, èā:lò,” a:lòe.

Mati15:21-28

Wervgaq kèní Yesu búng nø, Tiru nvng Sidon rvgaq dvrøt svng yilshìá:mì ke, wervgaq v̄l we Kanan svmaré tiq mè dì ráì nø vkiq sórí, “Dawi pvlí pvlaq, Vkàngpèé, ngà svng dvshá èzangà; ngàcè mè nø cá:ngí dvrū kéò nø vtvngkèní dvshàe,” wae. Inìgø Yesuí ang svng tiq kà gø màtá:nò. Iwe Ang coqcv́nrì dì ráì weí Ang svng rø:tnò nø, “Kūmè svng bò shèloò lè; pawá wāni nøngmaq mèpvngpvng ang vkiq mv̄nshìe,” wa nø shvná:ngòe. Yesuí vtà:ngò nø, “Israel rvp taqkèní vmàn yà:ngì we vyv̀ngrì kaq wā Ngà svng dèzv́r dakngà we íe,” a:lòe. Svmaré wemè Ang mv́rdv̀ngø køt ngǿmshi noqò sórí, “Vkàngpèá, ngà svng dèbv̄ngà,” wae.  Wekvt A:ngí vtà:ngò nø̀, “Cv̀mré rì v́mpà lúdv̀ng vgī rì svng dvgupmā màdu,” a:lòe.  Iwe wēmèí, “I nø íe, Vkàngpèá. Wedø ínìgø angkàng rì v́mshvbóy kèní vjā we v́mpàshi rì nø, vgī rìí gø v́m lúnshi we íe,” a:lòe.  Wekvt Yesuí vtà:ngò nø wemè svng, “Svmaré mèá, nà kv́mnøt nø tēe. Nà èshòng dø nà dvpvt leqía daq,” a:lòe. Welā:ngí nī angcè mè nø baná:mì.

Add new comment

6 + 5 =