Kapernum júrøt chø̀m taq vcáng lù:ngò we

Kapernum júrøt chø̀m taq vcáng lù:ngò we

Yesu nø Galili rvgaq, Kapernum tǿò we tiq mvrìng svng yøtshìá:mì. A:ngí narni taq angmaq svng mvshǿl shvngø:tnòe. pq 32 A:ngí shvngø:tnò kàrì nø vmíng vkv́ng vl we kà í rvt angmaq gvzà dàe. 33 Wekvt júrøt chø̀m vdòngø mvmv́ng cá:ngí dvrūkéò we vsvng tiq pè v̄l we, ang nø shaqmèí vkiq lú:ngì nø, 34 “Nazaret pè Yesué, Nà nvng nøngmaq pà sīnglv́m v̄le? Nà nø nøngmaq svng shvmv́nglv́m lèdì daqì. Nà nø Gvray Ang Shanshér Pè èí we ngàí shánge,” a:lòe. r 35 Wekvt Yesuí ang svng ngā:nò nø, “Dø̄ màwá èv̄l; ang yv́ng kèní èlúshi,” a:lòe. Wekvt nø wepè svng mvmv́ng cá:ngí shvngbe dvhø̀ø̄ cē vtūng vdapmò dá:ngí, ang yv́ng kèní lúshiá:mì. Vsvng wepè nø kadø gø mø̀í. 36 Shvngbe rìràá:mì nø tiq gǿ nø tiq gǿ vrøtkē taqsórí shø̀n we nø, “Yalòng nø kapà kà í ráì? Ang vmíng vkv́ng nvng jórnònggù:ní mvmv́ng cángrì kaq A:ngí dvká:mò kvt, angmaq lvlúshi dá:rì nìnø!” wae. 37 Weyv́ng kèní wervgaq gùrhømhøm kayv́ng màyv́ng svng Ang mòng dvshv̄ng bǿà.