Kristu vdòng taq té rà we

Gvray nvng nøngmaq Vkàngpè Yesu svng èshánøng we taqkèní jejú nvng mòngzø̀l lòng nø namaq svng luqtv̀m dø leq zí daqnø̀ng. a

Kristu vdòng taq té rà we

3 Gvray Ang ngø̀rdvgùng nvng nøt shvlá vtv̄ng lù:ngí ègō bǿshà pè svng jø̀ngjǿng sháì yv́ng kèní gø̀nshaq gø̄, Gvray dang nøtlø̀m nøt nvng sīng we í dv́ngte gø̄, Ang dvmø̀ jórnònggù:ní nøngmaq svng èrv̄l daqshà. b 4 Vrá, mapnøt mvgá:mì rvgaq tø̀m svng bøp shám dvzá:rò rì kèní namaq èlutshìnøng nø̀, wedá:ngí Gvray dvmø̀nøt gø namaq svng mvngú lún dvzv́rlv́m dvpvt, Gvrayí Ang jórnònggùn welòng taqkèní nī, rīng vtv̄ng vpǿ vtv̄ng we Ang dv́nkàrì lúnlv́m vmíng vkv́ng gø̄ èzí daqshà we íe.

5 Yadø í rvtnø namaq nø nø̀n màwá dèzaqshinøng nø, namaq kv́mnøt taq nø vjàng laqyà shvlá èrv̄mshìnøng. Vjàng laqyà shvlá taq nø cíngrálnøt èrv̄mshìnøng. c 6 Cíngrálnøt taq nø vdè góng øp dv́ngshì we; vdè góng øp dv́ngshì lòng taq nø tø̄nzánnøt, tø̄n zánnøt taq nø Gvray dāng nøt lø̀mnøt, 7 Gvray dang nøtlø̀m nøt taq nø angnv̄m angchvng svng mvkok dvdínøt, angnv̄m angchvng svng mvkok dvdínøt taq nø shóngnøt èrv̄mshìnøng.