Lv́ngshò nø:tní zí rà we

Iwe, cvmaqcè wa wø:nò gǿí nø cvmaqcè wa shvrvtnvm lú:nòe; mvme wø:nò gǿí nø, mvme shvrvtnvm lú:nòe, wakà svng mèsøngnøng.  Kagǿí kadø nàjøn bǿshà nìnø wedø zí leq lúnnøng. Mvraq mvkvm nø:tní gø mø̀í, mvdø̀ng mvdaq rø̀n yv́ng kèní gø mø̀í. Pàwálv́m wani lv̀ngshò nø:tní zíò vsvng kaq lè Gvray shóngshie.  Wemvdv̀mø, shànshér kàru taq, “Ang gønpaqrì nø, mvshámhoqri kaq lv̀ngshò nø:tní shin bǿà. Ang nøt shvláaò lòng gø dvciq lvpat v́l dø̄ng dv̄re,” wa nø vrū yà:ngà dø, namaq gø pv̀n vrv̀m taq, kadvgvp gø kø̀mgøm luq ètv́mānøng yv́ng kèní, bv̀nlì shvlá pv̀n vrv̀m svng shòshò wa køtgøm wá lúnlv́m rvt, Gvrayí jejú í dv́ngte nø namaq dvpvt dv̀n dvzǿnga lú:nòe.  Dvyø̀ wø̄n vsvng kaq dvyø̀ zi daq nø, vm vsvng kaq v́mpà zíshú Gvrayí, namaq nøt shèlánø̀ng rvtnø dvgá vsvng kaq vwálalv́m vl høq shvrvt rvtø̀ taq gø shèluqa daqnø̀nge.

Ngàí kàdøng v̄la:tnìni, zongshí tiq chv̀ng nø vba rv́m svng vløpmv̄m dá:ngí mvshì nìnø, wechv̀ng wa v́ldv̀ng wae. Inìgø shìv̄m nìnø, angshí mvme zí longe.  Vdè gø̀nshaq svng mvpáshi gǿ nø, ang gø̀nshaq vmvngv̄me. Rvgaq yalòng taq vdè gø̀nshaq svng màmvpáshi gǿí nø, dvciq lvpat gø̀nshaq shøpshì lú:nòe.  Ngà svng dvzøm mvyǿ gǿ nø Ngà mèpvng laq cv̀n ra. Ngà kayv́ng v̄lnøng nø, Ngà svng dèzøm gǿ gø̄ weyv́ng v́l lúnlv́m íe. Ngà svng dèzøm gǿ svng nø, Vpèí gø vpǿ shvringlv́m íe.