Màá Cáng lù:ngò we

A:ngí angmaq svng shø:lò nø shvléò dá:ngí, ang dvrè v̄l dv́ngte svng gø shvlé bǿà.  Wekvt Yaku ang tiq pè wā v̀l ráì we, tiq gǿí Yaku svng nv̀m gá daqì høq pòyaq ru:lòe.  Wepèí Yaku svng mvdv́ngkelv́m í we yv̀ng bǿà nìnø, a:ngí Yaku pv̄n dvcuq zàng vkoqòe. Wervtnø̀ angní vrùl ke, Yaku pv̄n dvcuq chv̄l wà yà:ngì.  Wekvt we pèí, “Nv̀m gá daqì; shèlànga,” a:lòe. Inìgø Yakuí, “Nàí ngà svng mèdègǿngà kèní nø màshvlàng,” a:lòe.  Wepèí Yaku svng, “Nà bø̀ng kadø ètǿshie?” a:lò kvt a:ngí, “Yaku ǿngàe,” a:lòe. A:ngí rá, “Akvt kèní kukaq Nà bø̀ng nø Yaku tǿlv́m mø̀íá:mì. Israel,* mv̀ng tǿ ràe. Kadø íe wani nà nø Gvray nvng gø nàrùlshì nø, vsvng kaq gø èdv́ngke bǿà,” a:lòe. q 29 Wekvt Yakuí ang svng rø:tnò nø, “Nà bø̀ng dètángà,” a:lòe. Wepèí, “Pàwálv́m rvt ngà bø̀ng èrøtnà ma?” wa nø, weyv́ngø a:ngí ang svng shvmán dvgǿ:ngòe.  Wervtnø̀ Yakuí wervgaq svng Peniel,* wa bø̀ng tǿ yà:ngà. Kadø íe wa nìnø a:ngí, “Ngàí Gvray mv̀rshv̀m yv̀ng bǿngànøng gø, wedøni cúnshø̀nge màwá!” wae. s Yaku nø Peniel lérà taq léshì la:ngí ni, nv̀msvr ráì. Ang nø pv̄ntùng vze rvt gvgv̄l gvgv̄l wa dīe.  Vsvng wepèí Yaku pv̄n dvcuq dvjù svng vkoq yà:ngà rvtnø, Israel dvcì cèrì nø dèni dèyaq høq, pv̄n dvcuq dvjù shārì mvke we íe.

 

 

Mati 9:32-37